KHatun-e-KHana-dar

suunī hai rahguzār-e-ġhazal kah rahī huuñ maiñ

bole hai chaukīdār ġhazal kah rahī huuñ maiñ

fursat nahīñ jo din ko maiñ fikr-e-suḳhan karūñ

rātoñ ko maarā maar ġhazal kah rahī huuñ maiñ

aa.ī jo niiñd ḳhvāb meñ bazm-e-suḳhan sajī

ab ho ke hoshiyār ġhazal kah rahī huuñ maiñ

hai machchharoñ ne kaaT ke behāl kar diyā

ab ho ke sharmsār ġhazal kah rahī huuñ maiñ

kyuuñ bhūñkte haiñ zor se kutte paḌos ke

in par ḳhudā kī maar ġhazal kah rahī huuñ maiñ

phir non tel lakḌī kā aane lagā ḳhayāl

ab ho ke hoshiyār ġhazal kah rahī huuñ maiñ

ḳhātūn-e-ḳhāna-dār bhī huuñ shā.era bhī huuñ

haiñ kaam be-shumār ġhazal kah rahī huuñ maiñ

suni hai rahguzar-e-ghazal kah rahi hun main

bole hai chaukidar ghazal kah rahi hun main

fursat nahin jo din ko main fikr-e-suKHan karun

raaton ko mara mar ghazal kah rahi hun main

aai jo nind KHwab mein bazm-e-suKHan saji

ab ho ke hoshiyar ghazal kah rahi hun main

hai machchharon ne kaT ke behaal kar diya

ab ho ke sharmsar ghazal kah rahi hun main

kyun bhunkte hain zor se kutte paDos ke

in par KHuda ki mar ghazal kah rahi hun main

phir non tel lakDi ka aane laga KHayal

ab ho ke hoshiyar ghazal kah rahi hun main

KHatun-e-KHana-dar bhi hun shaera bhi hun

hain kaam be-shumar ghazal kah rahi hun main