khajurahe

mohabbat ḳhvāb-e-rangīñ hai

nashāt-e-iḳhtilāt ab naqsh-e-sangīñ hai

ki patthar se tarāshīda ye pistān aur ye rāneñ haiñ ārāmīda patthar meñ

fareb-e-zindagī māshūq-o-āshiq kī ham-āġhosh

hai nazar lams-e-ḳhāmoshī

ḳhutūt-e-jism aur jādū-nigāhoñ kā

fusūn-o-lutf bāñhoñ kā

kashish tannāz kūlhoñ kī

latāfat shoḳh phūloñ kī

nahīñ patthar nahīñ ye sho.ala-e-ehsās hai raqsāñ

havas kī aag ban kar ye badan kā raag hai raḳhshāñ

nahīñ ab sard patthar hai

sharīr ādarsh hai kis kā

milan kā harsh hai kis kā

na koī mard nai aurat

milan hai shilp-kār aur shilp meñ bas ye haqīqat hai

milan kā harsh hai un kā

mohabbat KHwab-e-rangin hai

nashat-e-iKHtilat ab naqsh-e-sangin hai

ki patthar se tarashida ye pistan aur ye ranen hain aaramida patthar mein

fareb-e-zindagi mashuq-o-ashiq ki ham-aghosh

hai nazar lams-e-KHamoshi

KHutut-e-jism aur jadu-nigahon ka

fusun-o-lutf banhon ka

kashish tannaz kulhon ki

latafat shoKH phulon ki

nahin patthar nahin ye shoala-e-ehsas hai raqsan

hawas ki aag ban kar ye badan ka rag hai raKHshan

nahin ab sard patthar hai

sharir aadarsh hai kis ka

milan ka harsh hai kis ka

na koi mard nai aurat

milan hai shilp-kar aur shilp mein bas ye haqiqat hai

milan ka harsh hai un ka