KHalish

zāfrānī shabīh thī us kī

maiñ bhī thā sabza-e-bahār kā rañg

yuuñ huī tez qurbatoñ kī dhuup

ruup bahrūp e'tibār kā rañg

biich meñ aa ga.ī ḳhizāñ aisī

barg-e-jazbāt ho ga.e piile

paḌ ga.ī ishq par ajab uftād

phir nayā mausam-e-siyāsat thā

khiñch ga.ī phir fasīl-e-tafrīqāt

duur kā Dhol jashn-e-taqrībāt

qarz kī tarah husn kī ḳhairāt

rah ga.e haath kāsa-e-shub.hāt

ek naqsha hai be-panāhī kā

aur is par ināyatoñ kī panāh

ishq thā pesha-e-junūñ pahle

tez thā tesha-e-fusūñ pahle

ab to ye māñgtā hai ḳhuuñ pahle

badle badle haiñ vaqt aur hālāt

hukmarāñ har taraf hue sadmāt

shaġhl-e-daurāñ hai sirf shah aur maat

DhūñDhtā phir rahā huuñ rāh-e-najāt

ḳhvāb par yuuñ zavāl aayā hai

qurbatoñ par savāl aayā hai

kyā huā ham bhī chal na paa.e saath

ik ḳhalish rah ga.ī magar jānāñ

zafrani shabih thi us ki

main bhi tha sabza-e-bahaar ka rang

yun hui tez qurbaton ki dhup

rup bahrup e'tibar ka rang

bich mein aa gai KHizan aisi

barg-e-jazbaat ho gae pile

paD gai ishq par ajab uftad

phir naya mausam-e-siyasat tha

khinch gai phir fasil-e-tafriqat

dur ka Dhol jashn-e-taqribaat

qarz ki tarah husn ki KHairaat

rah gae hath kasa-e-shubhat

ek naqsha hai be-panahi ka

aur is par inayaton ki panah

ishq tha pesha-e-junun pahle

tez tha tesha-e-fusun pahle

ab to ye mangta hai KHun pahle

badle badle hain waqt aur haalat

hukmaran har taraf hue sadmat

shaghl-e-dauran hai sirf shah aur mat

DhunDhta phir raha hun rah-e-najat

KHwab par yun zawal aaya hai

qurbaton par sawal aaya hai

kya hua hum bhi chal na pae sath

ek KHalish rah gai magar jaanan