KHamoshi

havā kī sarsarāhaT

un ke aane kī ḳhabar detī

mirā dil mor ban kar nāchtā hai

havā bhī bāñdh kar pairoñ meñ ghuñghrū

baḌī chanchal huī jaatī hai dekho

mire hamrāh vo bhī nāchtī hai

achānak kyā huā aisā

havā ke paañv sākit ho ga.e haiñ

na ghuñghrū haiñ na āvāzeñ bhī us kī

na bal khānā na lahrānā vo us kā

ḳhamoshī kī paḌī chādar sabhī par

hare peḌoñ ne bhī sar Dhāñp Daalā

parindoñ ne paroñ meñ sar chhupāyā

akelī maiñ khulī āñkheñ haiñ merī

kisī ke intizār meñ

rāste kī dūriyāñ nāptī haiñ

hawa ki sarsarahaT

un ke aane ki KHabar deti

mera dil mor ban kar nachta hai

hawa bhi bandh kar pairon mein ghunghru

baDi chanchal hui jati hai dekho

mere hamrah wo bhi nachti hai

achanak kya hua aisa

hawa ke panw sakit ho gae hain

na ghunghru hain na aawazen bhi us ki

na bal khana na lahrana wo us ka

KHamoshi ki paDi chadar sabhi par

hare peDon ne bhi sar Dhanp Dala

parindon ne paron mein sar chhupaya

akeli main khuli aankhen hain meri

kisi ke intizar mein

raste ki duriyan napti hain