KHargosh ka gham

harīf kaun thā ġhalīz bad-numā sā jānvar

vo be-ḳhabar

jo reñgtā huā chalā

jo reñgtā chalā gayā

na jaane kis jahān se tumhārī rah meñ aa gayā

usuul ban ke zindagī ke āsmāñ pe chhā gayā

tumheñ ye ġham satā rahā hai aaj bhī

ġhalat ghaḌī meñ niiñd tum ko aa ga.ī

sitam ajiib Dhā ga.ī

mazāq hī mazāq meñ

zamāne-bhar ke sāmne tumhārā sar jhukā ga.ī

yaqīn se farār tak

hazār marhale tumhāre zehn se guzar ga.e

dil-o-nazar ko vasvasoñ se bhar ga.e

shikast kī ḳhalish baḌī shadīd thī

kisī tarah na miT sakī

hurūf-e-pur-ḳhatar se faisloñ ko toltī rahī

anā ke muztarib lahū meñ zahr gholtī rahī

harif kaun tha ghaliz bad-numa sa jaanwar

wo be-KHabar

jo rengta hua chala

jo rengta chala gaya

na jaane kis jahan se tumhaari rah mein aa gaya

usul ban ke zindagi ke aasman pe chha gaya

tumhein ye gham sata raha hai aaj bhi

ghalat ghaDi mein nind tum ko aa gai

sitam ajib Dha gai

mazaq hi mazaq mein

zamane-bhar ke samne tumhaara sar jhuka gai

yaqin se farar tak

hazar marhale tumhaare zehn se guzar gae

dil-o-nazar ko waswason se bhar gae

shikast ki KHalish baDi shadid thi

kisi tarah na miT saki

huruf-e-pur-KHatar se faislon ko tolti rahi

ana ke muztarib lahu mein zahr gholti rahi