KHauf

ḳhauf se mere lab

āsmāñ kī tarah niile

āñkheñ parbat kī mānind

be-jān haiñ

ye calender

is ko chhupā do kahīñ

is ghaḌī ko kahīñ dafn kar do

ye Tik-Tik

mere kaan meñ rail kī chīḳh banñe lagī hai

merī sāñsoñ se kaalā dhuāñ sā

nikaltā hai maiñ

kahāñ jā rahā huuñ

ye sūraj kī engine meñ dahke hue

ko.ele haiñ

sayyāre

pahiyoñ ke mānind luḌhke chale jā rahe haiñ

kahāñ

vaqt

rail kī paTriyoñ se phisal kar

nīche girne ko hai

KHauf se mere lab

aasman ki tarah nile

aankhen parbat ki manind

be-jaan hain

ye calender

is ko chhupa do kahin

is ghaDi ko kahin dafn kar do

ye Tik-Tik

mere kan mein rail ki chiKH banne lagi hai

meri sanson se kala dhuan sa

nikalta hai main

kahan ja raha hun

ye suraj ki engine mein dahke hue

koele hain

sayyare

pahiyon ke manind luDhke chale ja rahe hain

kahan

waqt

rail ki paTriyon se phisal kar

niche girne ko hai