khaulta kyon nahin hai lahu

kitāboñ meñ maiñ ne paḌhā thā

ki lākhoñ baras qabl

rū-e-zamīñ par jo haivān the

un kā ḳhuuñ sard thā

vo bahut sust rau the

kitāboñ meñ maiñ ne paḌhā thā

ki lākhoñ baras qabl

mausam zamīñ kā achānak jo badlā

to ThanDe lahū vaale haivān saare fanā ho ga.e

aur un kī jagah kuchh na.e jānvar zindagī kī alāmat bane

ḳhuun meñ jin ke garmī hai

un meñ se kuchh bolte bhī samajhte bhī haiñ

par mujhe aisā mahsūs hotā hai

shāyad ye bāteñ kitābeñ ġhalat haiñ

jidhar dekhtā huuñ udhar ḳhuun kī naddiyāñ bah rahī haiñ

jidhar dekhtā huuñ udhar zulm kī āñdhiyāñ chal rahī haiñ

agar garm hai ḳhūn-e-insāñ to phir zulm par khaultā kyoñ nahīñ hai

sitam ko sitam jāntā hai to phir boltā kyoñ nahīñ hai

kitabon mein main ne paDha tha

ki lakhon baras qabl

ru-e-zamin par jo haiwan the

un ka KHun sard tha

wo bahut sust rau the

kitabon mein main ne paDha tha

ki lakhon baras qabl

mausam zamin ka achanak jo badla

to ThanDe lahu wale haiwan sare fana ho gae

aur un ki jagah kuchh nae jaanwar zindagi ki alamat bane

KHun mein jin ke garmi hai

un mein se kuchh bolte bhi samajhte bhi hain

par mujhe aisa mahsus hota hai

shayad ye baaten kitaben ghalat hain

jidhar dekhta hun udhar KHun ki naddiyan bah rahi hain

jidhar dekhta hun udhar zulm ki aandhiyan chal rahi hain

agar garm hai KHun-e-insan to phir zulm par khaulta kyon nahin hai

sitam ko sitam jaanta hai to phir bolta kyon nahin hai