KHayal ki banjar zamin
lafz
kab se mere zehn ke
sūrāḳh se jhāñk rahā hai
jahāñ zulmat qarnoñ se
raaj kartī hai
aur ḳhayāl ke jaale laTke paḌe haiñ
auhām kī chamgādaḌeñ dīvāroñ se chipkī huī haiñ
soch ke paanī par kaa.ī jamī hai
mere zehn ke darīchoñ meñ
koī aisī darz bhī nahīñ
jahāñ se havā dāḳhil ho kar
māyūsī kī habs ko chaaT le
aur koī rauzan bhī nahīñ
jahāñ se raushnī ilhām ban kar utre
lekin lafz ke jugnū ne
apnī raushnī se is meñ
sūrāḳh kar Daalā hai
vo dekho
lafz dekh rahā hai
lekin nahīñ
vo to jā chukā hai
aur
sadiyoñ se muqaffal ḳhāmoshī
karvaT le kar phir so chukī hai
lafz
kab se mere zehn ke
suraKH se jhank raha hai
jahan zulmat qarnon se
raj karti hai
aur KHayal ke jale laTke paDe hain
auham ki chamgadaDen diwaron se chipki hui hain
soch ke pani par kai jami hai
mere zehn ke darichon mein
koi aisi darz bhi nahin
jahan se hawa daKHil ho kar
mayusi ki habs ko chaT le
aur koi rauzan bhi nahin
jahan se raushni ilham ban kar utre
lekin lafz ke jugnu ne
apni raushni se is mein
suraKH kar Dala hai
wo dekho
lafz dekh raha hai
lekin nahin
wo to ja chuka hai
aur
sadiyon se muqaffal KHamoshi
karwaT le kar phir so chuki hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.