khilauna

mere hoñToñ ke mahakte hue naġhmoñ pe na jā

mere siine meñ ka.ī tarah ke ġham palte haiñ

mere chehre pe dikhāve kā tabassum hai magar

merī āñkhoñ meñ udāsī ke diye jalte haiñ

jhāñk kar dekh mirī ruuh kī pahnā.ī meñ

kitne ġham kitne fasāne haiñ barafganda naqāb

kitnī nāpāk nigāhoñ ne luTeroñ kī tarah

mere ehsās se chhīnā hai taqaddus kā hijāb

kitne insān mohabbat kā labāda oḌhe

mere aariz ke subū pī ke mujhe chhoḌ ga.e

kitne hāthoñ ne nichoḌā hai mirī zulfoñ ko

kitne bhañvre mirā ras chuus ke muñh moḌ ga.e

ik nayā ḳhauf buḌhāpe kā tasavvur ban kar

khaTkhaTātā hai mire zehn ke darvāzoñ ko

ghaat meñ baiThī huī vaqt kī jādū-garnī

dho hī Dālegī mirī ziist ke un ġhāzoñ ko

lekin in talḳh haqā.eq se tujhe kyā lenā

tū bhī aayā hai kisī dukh kā mudāvā karne

tū bhī aayā hai khanakte hue sikke le kar

tū bhī aayā hai mire jism kā saudā karne

mere honTon ke mahakte hue naghmon pe na ja

mere sine mein kai tarah ke gham palte hain

mere chehre pe dikhawe ka tabassum hai magar

meri aankhon mein udasi ke diye jalte hain

jhank kar dekh meri ruh ki pahnai mein

kitne gham kitne fasane hain barafganda naqab

kitni napak nigahon ne luTeron ki tarah

mere ehsas se chhina hai taqaddus ka hijab

kitne insan mohabbat ka labaada oDhe

mere aariz ke subu pi ke mujhe chhoD gae

kitne hathon ne nichoDa hai meri zulfon ko

kitne bhanwre mera ras chus ke munh moD gae

ek naya KHauf buDhape ka tasawwur ban kar

khaTkhaTata hai mere zehn ke darwazon ko

ghat mein baiThi hui waqt ki jadu-garni

dho hi Dalegi meri zist ke un ghazon ko

lekin in talKH haqaeq se tujhe kya lena

tu bhi aaya hai kisi dukh ka mudawa karne

tu bhi aaya hai khanakte hue sikke le kar

tu bhi aaya hai mere jism ka sauda karne