KHud-ehtasabi

kabhī kabhī maiñ

jab apne andar se jhāñktā huuñ

to mere bāhar kī saarī duniyā

mire muqābil khaḌā huā

zālimoñ kā lashkar dikhā.ī detī hai

aur maiñ ḳhud ko apne bāhar ke aadmī ko

ajiib sī be-ta.alluqī se

ik ajnabī ban ke dekhtā huuñ

magar vo bāhar kā maiñ

isī zālimoñ ke lashkar se

hai nabard-āzmā musalsal

kabhī vo zālim pe hamla-āvar

kabhī vo mazlūm kī himāyat meñ

dil-figār o malūl o giryāñ

vo mere andar ke maiñ se kahtā hai

bāhar aao

fasīl Dhaao

hisār toḌo

hamārī saf meñ

tumheñ bhī āḳhir

kabhī to honā paḌegā shāmil

kabhi kabhi main

jab apne andar se jhankta hun

to mere bahar ki sari duniya

mere muqabil khaDa hua

zalimon ka lashkar dikhai deti hai

aur main KHud ko apne bahar ke aadmi ko

ajib si be-talluqi se

ek ajnabi ban ke dekhta hun

magar wo bahar ka main

isi zalimon ke lashkar se

hai nabard-azma musalsal

kabhi wo zalim pe hamla-awar

kabhi wo mazlum ki himayat mein

dil-figar o malul o giryan

wo mere andar ke main se kahta hai

bahar aao

fasil Dhao

hisar toDo

hamari saf mein

tumhein bhi aaKHir

kabhi to hona paDega shamil