KHuda ke fazl se huron ke shauhar

ba-zom-e-ḳhvesh apne daur ke suqrāt-e-sānī haiñ

muqaddas log haiñ 'ahmad-razā-ḳhāñ’ kī nishānī haiñ

ġhulāmān-e-rasūlullāh kī takfīr karte haiñ

hamesha inshirāh-e-sadr se taqrīr karte haiñ

zabān-āvar haiñ lekin zāhida parvīn kī lai haiñ

ka.ī nādir kitāboñ ke musannif haiñ baḌī shai haiñ

ra.ūnat se jabīñ meñ zohd ke asrār ghulte haiñ

nigāhoñ ke ġhazab se saiñkaḌoñ alfāz khulte haiñ

takabbur zāviye bantā huā guftār kī lau meñ

hazāroñ ḳhusruoñ kā dabdaba raftār kī ro meñ

zabān-e-shusta-o-rafta pe nastālīq bolī hai

musalle par murādābād ke pānoñ kī Dholī hai

ba-zom-e-ḳhvesh zohd-o-ittiqā ke biij bote haiñ

ḳhudā ke fazl se hūroñ ke shauhar aise hote haiñ

ba-zom-e-KHwesh apne daur ke suqraat-e-sani hain

muqaddas log hain 'ahmad-raza-KHan’ ki nishani hain

ghulaman-e-rasulullah ki takfir karte hain

hamesha inshirah-e-sadr se taqrir karte hain

zaban-awar hain lekin zahida parwin ki lai hain

kai nadir kitabon ke musannif hain baDi shai hain

raunat se jabin mein zohd ke asrar ghulte hain

nigahon ke ghazab se sainkaDon alfaz khulte hain

takabbur zawiye banta hua guftar ki lau mein

hazaron KHusruon ka dabdaba raftar ki ro mein

zaban-e-shusta-o-rafta pe nastaliq boli hai

musalle par muradabaad ke panon ki Dholi hai

ba-zom-e-KHwesh zohd-o-ittiqa ke bij bote hain

KHuda ke fazl se huron ke shauhar aise hote hain