KHuda ki anty-people policy

ye sab kuchh ham jo karte haiñ

gunāhoñ par gunāheñ

ḳhudā hī chāhtā hogā ki ham aisā kareñ

baġhair us kī razā ke koī pattā hil nahīñ saktā

kahīñ dahqāñ ke khetoñ meñ bhī bārish ho nahīñ saktī

kisī añdhere jangal meñ koī jugnū chamakne se bhī qāsir hai

ye sab kuchh ham jo karte haiñ

gunāhoñ par gunāheñ

ḳhudā hī chāhtā hogā ki ham aisā kareñ

ki ham sab ādam-o-havvā kī aulādeñ

zamīñ par muḳhtalif ḳhānoñ meñ is tarah baTe haiñ

kahīñ maz.hab kī dīvāreñ kahīñ par zaat kā jhagḌā

nigāhoñ par bhī ta.azīreñ

diloñ aur paañv meñ bhī haiñ zanjīreñ

ye sab kuchh ham jo karte haiñ

gunāhoñ par gunāheñ

to aao phir kisī maidān meñ chal kar

ḳhudā kī anty-people policy par

ġham-o-ġhusse kā ham iz.hār hī kar deñ

ḳhudā apnī duā.eñ kyā ḳhabar suntā na suntā ho

use hushiyār hī kar deñ

ye sab kuchh hum jo karte hain

gunahon par gunahen

KHuda hi chahta hoga ki hum aisa karen

baghair us ki raza ke koi patta hil nahin sakta

kahin dahqan ke kheton mein bhi barish ho nahin sakti

kisi andhere jangal mein koi jugnu chamakne se bhi qasir hai

ye sab kuchh hum jo karte hain

gunahon par gunahen

KHuda hi chahta hoga ki hum aisa karen

ki hum sab aadam-o-hawwa ki auladen

zamin par muKHtalif KHanon mein is tarah baTe hain

kahin mazhab ki diwaren kahin par zat ka jhagDa

nigahon par bhi taziren

dilon aur panw mein bhi hain zanjiren

ye sab kuchh hum jo karte hain

gunahon par gunahen

to aao phir kisi maidan mein chal kar

KHuda ki anty-people policy par

gham-o-ghusse ka hum izhaar hi kar den

KHuda apni duaen kya KHabar sunta na sunta ho

use hushiyar hi kar den