KHun-e-tamanna

jal chukī shāḳh-e-nasheman tham chukī bād-e-sumūm

ab havā-e-nau-bahārāñ kausar-afshāñ hai to kyā

kar chukī ḳhūn-e-tamannā tīrgī-e-shām-e-ġham

āsmāñ par ab nayā sūraj daraḳhshāñ hai to kyā

jaam afsurda surāhī sar-nigūñ miinā ḳhamosh

mai-kade meñ ab hujūm-e-mai-gusrārāñ hai to kyā

duur ho saktā nahīñ ai dost qarnoñ kā sukūt

zindagī ab apne barbat par ġhazal-ḳhvāñ hai to kyā

gardish-e-daurāñ pe koī fat.h pā saktā nahīñ

tere lab par shikva-e-ālām-e-daurāñ hai to kyā

munkashif hone ko hai rāz-e-sabāt-e-jāvedāñ

aaj agar shīrāza-e-hastī pareshāñ hai to kyā

kal ye duniyā vādī-e-raqs-o-navā kahlā.egī

aaj agar jaulāñ-gah-e-sailāb-o-tūfāñ hai to kyā

saḌ chuke is ke anāsir haT chukā soz-e-hayāt

ab tujhe fikr-e-ilāj-e-dard-e-insāñ hai to kyā

zindagī kī talḳhiyoñ ne chhīn lī tāb-e-nazar

tuur kī choTī par 'afsar' ab charāġhāñ hai to kyā

jal chuki shaKH-e-nasheman tham chuki baad-e-sumum

ab hawa-e-nau-bahaaran kausar-afshan hai to kya

kar chuki KHun-e-tamanna tirgi-e-sham-e-gham

aasman par ab naya suraj daraKHshan hai to kya

jam afsurda surahi sar-nigun mina KHamosh

mai-kade mein ab hujum-e-mai-gusraran hai to kya

dur ho sakta nahin ai dost qarnon ka sukut

zindagi ab apne barbat par ghazal-KHwan hai to kya

gardish-e-dauran pe koi fath pa sakta nahin

tere lab par shikwa-e-alam-e-dauran hai to kya

munkashif hone ko hai raaz-e-sabaat-e-jawedan

aaj agar shiraaza-e-hasti pareshan hai to kya

kal ye duniya wadi-e-raqs-o-nawa kahlaegi

aaj agar jaulan-gah-e-sailab-o-tufan hai to kya

saD chuke is ke anasir haT chuka soz-e-hayat

ab tujhe fikr-e-ilaj-e-dard-e-insan hai to kya

zindagi ki talKHiyon ne chhin li tab-e-nazar

tur ki choTi par 'afsar' ab charaghan hai to kya