خون کا ایک ہے رنگ
آؤ ہم یہ کر کے دکھائیں
اس دھرتی کو سورگ بنائیں
مل کر ہم سب کریں جتن
ٹوٹ نہ پائے کسی کا من
بچوں گاؤ جن گن من
پیر پیمبر سادھو سنت
گیتا قرآں اور گرنتھ
مانوتا کے سب ہیں پنتھ
مہکا ان سے یہ جیون
بچوں گاؤ جن گن من
سب کے خون کا ایک ہے رنگ
پھر کیوں آپس میں ہے جنگ
بدلیں جینے کا یہ ڈھنگ
ہم کو جان سے پیارا وطن
بچوں گاؤ جن گن من
کوئی عبادت گاہ نہ ٹوٹے
کوئی رحمت رام نہ روٹھے
توڑ کے سارے جھوٹے بندھن
آؤ اجلا کر لیں من
بچوں گاؤ جن گن من
دیش کی مٹی بولے پیارے
سورج چندا بن کے تارے
جگ سے مٹاؤ تم اندھیارے
چمکے پھر سے گھر آنگن
بچوں گاؤ جن گن من
پیار محبت ستیہ اہنسا
کوہ ہمالہ گنگا جمنا
اس کا پرچم ہے یہ ترنگا
چومنے آئے جس کو گگن
بچوں گاؤ جن گن من
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
