KHuni qila

bahut hī saḳht bahut hī tavīl hai ye ghaḌī

is ahd-e-qahqarī kā har qadam hai ek sadī

ye ahd jis pe ka.ī nasloñ kī hai gard paḌī

ye pīr-zāl ye qila kanār āb-e-ravāñ

bhaḌakte sholoñ ke mānind jis kā har gumbad

ye kañgare haiñ ki haiñ bhaTTiyoñ ke añgāre

jalā ke rakh diye jin kī tapish ne lākhoñ makāñ

ye hai alāmat-e-fistā.iyat girāo se

hamāre bachchoñ ke schōl se haTāo ise

ye ḳhūnī-qila kā phāTak hai yā dahān-e-jahīm

fasīl-e-sañg ibārat hai ḳhuuñ ke dhabboñ se

diye lahūñ ke farozāñ kiye hue har taaq

hai jin ke sāmne ḳhīra talā o gauhar o siim

sadā-e-raqs nikaltī huī jharoñkoñ se

kisī hasīna-e-fir.aun kā mahal jaise

sutūn marmarīñ añgḌā.ī le ke niiñd meñ chuur

libās-e-barahnagī meñ nihāñ qalo-patra

miyān-e-nīl koī laash dekh kar hañs de

is ahd-e-qahqarī kā har qadam hai ek sadī

bahut hī saḳht bahut hī tavīl hai ye ghaḌī

naddī ye hai ki zamīñ par hai ek laash paḌī

bahut hi saKHt bahut hi tawil hai ye ghaDi

is ahd-e-qahqari ka har qadam hai ek sadi

ye ahd jis pe kai naslon ki hai gard paDi

ye pir-zal ye qila kanar aab-e-rawan

bhaDakte sholon ke manind jis ka har gumbad

ye kangare hain ki hain bhaTTiyon ke angare

jala ke rakh diye jin ki tapish ne lakhon makan

ye hai alamat-e-fistaiyat girao se

hamare bachchon ke school se haTao ise

ye KHuni-qila ka phaTak hai ya dahan-e-jahim

fasil-e-sang ibarat hai KHun ke dhabbon se

diye lahun ke farozan kiye hue har taq

hai jin ke samne KHira tala o gauhar o sim

sada-e-raqs nikalti hui jharonkon se

kisi hasina-e-firaun ka mahal jaise

sutun marmarin angDai le ke nind mein chur

libas-e-barahnagi mein nihan qalo-patra

miyan-e-nil koi lash dekh kar hans de

is ahd-e-qahqari ka har qadam hai ek sadi

bahut hi saKHt bahut hi tawil hai ye ghaDi

naddi ye hai ki zamin par hai ek lash paDi