KHwab ghar

ab yahāñ maiñ huuñ sirf maiñ

is bikhre sāmān darmiyān

tum tumhīñ to ghar thā

ghar thā to zindagī bhar se rahne kī ummīd

har sub.h paa.el kī jhankār ummīd

har sub.h tumhārī ḳhushbū bhare bistar meñ pyālī chaa.e par

guzarte vaqtoñ kī bāteñ

āñkhoñ āñkhoñ meñ bāteñ jīteñ māteñ

tum binā suune ghar meñ tumhāre pairoñ kī chaap ke ḳhvāb

ye chaap ab jahāñ gūñjtī hai

tumhāre pair jis makān meñ farsh-e-zamīn ko chhūte haiñ

vo makān merā ghar nahīñ

merā ghar to bas ye ḳhvāb haiñ

bikhre sāmān darmiyān bikharte ḳhvāb

jinheñ telephone line par sunñā sunānā terī merī sazā hai

ab yahan main hun sirf main

is bikhre saman darmiyan

tum tumhin to ghar tha

ghar tha to zindagi bhar se rahne ki ummid

har subh pael ki jhankar ummid

har subh tumhaari KHushbu bhare bistar mein pyali chae par

guzarte waqton ki baaten

aankhon aankhon mein baaten jiten maten

tum bina sune ghar mein tumhaare pairon ki chap ke KHwab

ye chap ab jahan gunjti hai

tumhaare pair jis makan mein farsh-e-zamin ko chhute hain

wo makan mera ghar nahin

mera ghar to bas ye KHwab hain

bikhre saman darmiyan bikharte KHwab

jinhen telephone line par sunna sunana teri meri saza hai