KHwab ek parinda hai

ḳhvāb ik parinda hai

aañkh ke qafas meñ ye

jab talak muqayyad hai

aks ban ke zinda hai

ḳhvāb ik parinda hai

ḳhvāb ik parinda hai

zard mausamoñ meñ bhī

ḳhush-gavār yādoñ ko

tāza-kār rakhtā hai

aane vaale mausam ke

giit gungunātā hai

shāḳh shāḳh par mahke

phuul chun ke laatā hai

aur phir havā ke dosh

ḳhushbuoñ kā sāthī hai

ḳhvāb ik parinda hai

ḳhvāb ik parinda hai

ziist ke samundar meñ

ḳhvāhisheñ jazīra haiñ

aur is jazīre meñ

ḳhauf kā añdherā hai

aur is añdhere meñ

ḳhvāb sā parinda hai

sub.h kā sitāra hai

din kā isti.āra hai

KHwab ek parinda hai

aankh ke qafas mein ye

jab talak muqayyad hai

aks ban ke zinda hai

KHwab ek parinda hai

KHwab ek parinda hai

zard mausamon mein bhi

KHush-gawar yaadon ko

taza-kar rakhta hai

aane wale mausam ke

git gungunata hai

shaKH shaKH par mahke

phul chun ke lata hai

aur phir hawa ke dosh

KHushbuon ka sathi hai

KHwab ek parinda hai

KHwab ek parinda hai

zist ke samundar mein

KHwahishen jazira hain

aur is jazire mein

KHauf ka andhera hai

aur is andhere mein

KHwab sa parinda hai

subh ka sitara hai

din ka istiara hai