KHwab-kadon se wapsi

ai mere badan se lipTī hijrat kī sarshārī!

ḳhvāhish kī be-samt jihat ke kahne meñ mat aa

mere bāzuoñ meñ quvvat to hai

jo sūkhe samundar meñ tairtī kashtī ke patvār meñ utrī hai

lekin merī Tāñgoñ meñ

harkat ke codes musalsal marte jaate haiñ

guuñj ek bahāo meñ merī jānib baḌhtī hai

aur ḳhāmoshī...

chehre ke ḳhāl-o-ḳhat se noch ke le jaatī hai

maiñ rafta rafta

ḳhvāhish ke ambār meñ girtā jaatā huuñ

niiñd kī tuġhyānī meñ bahtā jaatā huuñ

phir sehan ke nal se bahte paanī kī āvāz

mire raste par

sargoshī pheñk ke jaatī hai

mujh ko ḳhvāb-kadoñ kī hairat se vāpas le aatī hai

ai mere badan se lipTi hijrat ki sarshaari!

KHwahish ki be-samt jihat ke kahne mein mat aa

mere bazuon mein quwwat to hai

jo sukhe samundar mein tairti kashti ke patwar mein utri hai

lekin meri Tangon mein

harkat ke codes musalsal marte jate hain

gunj ek bahao mein meri jaanib baDhti hai

aur KHamoshi

chehre ke KHal-o-KHat se noch ke le jati hai

main rafta rafta

KHwahish ke ambar mein girta jata hun

nind ki tughyani mein bahta jata hun

phir sehan ke nal se bahte pani ki aawaz

mere raste par

sargoshi phenk ke jati hai

mujh ko KHwab-kadon ki hairat se wapas le aati hai