KHwab nahin dekha hai

maiñ ne muddat se koī ḳhvāb nahīñ dekhā hai

raat khilne kā gulāboñ se mahak aane kā

os kī būñdoñ meñ sūraj ke samā jaane kā

chāñd sī miTTī ke zarroñ se sadā aane kā

shahr se duur kisī gaañv meñ rah jaane kā

khet khaliyānoñ meñ bāġhoñ meñ kahīñ gaane kā

subah ghar chhoḌne kā der se ghar aane kā

bahte jharnoñ kī khanaktī huī āvāzoñ kā

chahchahātī huī chiḌiyoñ se ladī shāḳhoñ kā

nargisī āñkhoñ meñ hañstī huī nādānī kā

muskurāte hue chehre kī ġhazal ḳhvānī kā

terā ho jaane tire pyaar meñ kho jaane kā

terā kahlāne kā terā hī nazar aane kā

maiñ ne muddat se koī ḳhvāb nahīñ dekhā hai

haath rakh de mirī āñkhoñ pe ki niiñd aa jaa.e

main ne muddat se koi KHwab nahin dekha hai

raat khilne ka gulabon se mahak aane ka

os ki bundon mein suraj ke sama jaane ka

chand si miTTi ke zarron se sada aane ka

shahr se dur kisi ganw mein rah jaane ka

khet khaliyanon mein baghon mein kahin gane ka

subah ghar chhoDne ka der se ghar aane ka

bahte jharnon ki khanakti hui aawazon ka

chahchahati hui chiDiyon se ladi shaKHon ka

nargisi aankhon mein hansti hui nadani ka

muskuraate hue chehre ki ghazal KHwani ka

tera ho jaane tere pyar mein kho jaane ka

tera kahlane ka tera hi nazar aane ka

main ne muddat se koi KHwab nahin dekha hai

hath rakh de meri aankhon pe ki nind aa jae