KHwab

surḳh Dhalakte āñchal se chhalakte

siyāh pechīda ḳhvāb

ki jab soch kī gahrā.iyoñ ko phalāñgte hue

apnī hadeñ paar karne kī koshish karte haiñ

to sañg-zanī kā andesha hotā hai

kyūñki adhūre ḳhvāb-o-ḳhayāl kufr kī mānind hote haiñ

vo kufr jis pe sañg-zanī kī dafa lag jaa.e

aur ek ek sañg jism ko chhūtā huā

ruuh meñ utartā hai to

sañg kī sī puḳhtagī kā ehsās hotā hai

soch kī gahrā.iyoñ se umañDtī huī

pechīda lahreñ jab makāñ kī vus.atoñ ko Takrātī haiñ

to ḳhvāboñ ko chaknā-chūr kartī huī

haqīqatoñ kā mandir taḳhlīq kartī huī

ek Talī lagātī jaatī haiñ

ki ab ke baar koī aa.e to ḳhabar ho jaa.e

kyūñki be-ḳhabarī taklīf detī hai

surKH Dhalakte aanchal se chhalakte

siyah pechida KHwab

ki jab soch ki gahraiyon ko phalangte hue

apni haden par karne ki koshish karte hain

to sang-zani ka andesha hota hai

kyunki adhure KHwab-o-KHayal kufr ki manind hote hain

wo kufr jis pe sang-zani ki dafa lag jae

aur ek ek sang jism ko chhuta hua

ruh mein utarta hai to

sang ki si puKHtagi ka ehsas hota hai

soch ki gahraiyon se umanDti hui

pechida lahren jab makan ki wusaton ko Takraati hain

to KHwabon ko chakna-chur karti hui

haqiqaton ka mandir taKHliq karti hui

ek Tali lagati jati hain

ki ab ke bar koi aae to KHabar ho jae

kyunki be-KHabari taklif deti hai