KHwabon KHayalon ki apsara

suḳhan fareb koī mehrbāñ kī tarah

dayār-e-husn hai duniyā kī dāstāñ kī tarah

ye muskurātī huī sub.d-o-shām-o-shab kī dulhan

dil-o-nazar ke liye sūd-e-be-ziyāñ kī tarah

ye imtizāj-o-zar-e-shirq-o-ġharb kā culture

nigāh-e-husn liye ishq āshiqāñ kī tarah

harīr-o-resham-o-dībā meñ rañg-e-nāz-o-adā

sukūn-e-dil ke liye haiñ qarār-e-jāñ kī tarah

ye rañg rañg ke unvāñ liye hasīñ chehre

sanam-kadoñ meñ taḳhayyul ke haiñ butāñ kī tarah

suDaul jism ki sard-e-ravāñ sar-e-rāhe

chale haiñ naaz se hūrān-e-āsmāñ kī tarah

ye lahkī mahkī fazā.eñ ye dil-rubā paikar

guloñ ke rañg meñ Duube hue jahāñ kī tarah

ye rabt-o-raqs-o-tarannum havā kī lahroñ meñ

qadam qadam pe adā-hā-e-mah-vishāñ kī tarah

ye jagmagātī huī raat ye dahakte kañval

nujūm-o-māh-o-surayyā-o-kahkashāñ kī tarah

ye mere ḳhvāboñ-ḳhayāloñ kī apsarā jis meñ

nigāh-e-fikr-o-amal tiir kī kamāñ kī tarah

magar vatan bhī chhuTā 'daur' dil kī dil meñ rahī

ye bamba.ī bhī na ho ḳhvāb-e-dīgarāñ kī tarah

suKHan fareb koi mehrban ki tarah

dayar-e-husn hai duniya ki dastan ki tarah

ye muskuraati hui subd-o-sham-o-shab ki dulhan

dil-o-nazar ke liye sud-e-be-ziyan ki tarah

ye imtizaj-o-zar-e-shirq-o-gharb ka culture

nigah-e-husn liye ishq aashiqan ki tarah

harir-o-resham-o-diba mein rang-e-naz-o-ada

sukun-e-dil ke liye hain qarar-e-jaan ki tarah

ye rang rang ke unwan liye hasin chehre

sanam-kadon mein taKHayyul ke hain butan ki tarah

suDaul jism ki sard-e-rawan sar-e-rahe

chale hain naz se huran-e-asman ki tarah

ye lahki mahki fazaen ye dil-ruba paikar

gulon ke rang mein Dube hue jahan ki tarah

ye rabt-o-raqs-o-tarannum hawa ki lahron mein

qadam qadam pe ada-ha-e-mah-wishan ki tarah

ye jagmagati hui raat ye dahakte kanwal

nujum-o-mah-o-surayya-o-kahkashan ki tarah

ye mere KHwabon-KHayalon ki apsara jis mein

nigah-e-fikr-o-amal tir ki kaman ki tarah

magar watan bhi chhuTa 'daur' dil ki dil mein rahi

ye bambai bhi na ho KHwab-e-digaran ki tarah