KHwabon ko samjhaute ras nahin aate

dil meñ ik ma.adūm zamāne ke

aur ik duniyā ke hone kī

ummīd liye

āñkhoñ meñ patjhaḌ thāme

sākit sard havā par uḌtī titlī

ruk jā

tham jā

mujhe ye Dar lagtā hai

ik din yahī sākit sard havā

jhakkaḌ ban jā.egī

yahī talve chūmtī miTTī

bagūle ban kar

tere ta.āqub meñ niklegī

tere narm paroñ kī dushman

pāgal titlī

tere ḳhvāb terī duniyā haiñ

lekin ik duniyā

tere ḳhvāboñ se bāhar bhī bastī hai

is duniyā meñ jiinā samjhauta hai

lekin ḳhvāboñ ko samjhaute raas nahīñ aate

phir bhī tū ne isī havā par uḌnā hai

in shāḳhoñ par phuul bahut kam ugte haiñ

lekin tujhe to inhī shāḳhoñ par baiThnā hai

tham jā titlī

mere dil kī miTTī meñ ab phuul nahīñ khilte

lekin jab bhī phuul khile

tum pahle phuul pe baiThnā

mujh meñ uḌnā

jab tak dil chāhe

tham jā titlī

dil mein ek madum zamane ke

aur ek duniya ke hone ki

ummid liye

aankhon mein patjhaD thame

sakit sard hawa par uDti titli

ruk ja

tham ja

mujhe ye Dar lagta hai

ek din yahi sakit sard hawa

jhakkaD ban jaegi

yahi talwe chumti miTTi

bagule ban kar

tere taaqub mein niklegi

tere narm paron ki dushman

pagal titli

tere KHwab teri duniya hain

lekin ek duniya

tere KHwabon se bahar bhi basti hai

is duniya mein jina samjhauta hai

lekin KHwabon ko samjhaute ras nahin aate

phir bhi tu ne isi hawa par uDna hai

in shaKHon par phul bahut kam ugte hain

lekin tujhe to inhi shaKHon par baiThna hai

tham ja titli

mere dil ki miTTi mein ab phul nahin khilte

lekin jab bhi phul khile

tum pahle phul pe baiThna

mujh mein uDna

jab tak dil chahe

tham ja titli