kirdar

dekho, ham sab ek safed kañval par

Tek lagā.e tair rahe haiñ

aur mahsūs ye karte haiñ ki ham ne ḳhud ko

nāf-e-zamīñ se mazbūtī se bāñdh rakhā hai

apnī har ḳhvāhish ko ham ne

qatl kiyā hai

taaki dil meñ koī tamannā sar na uThāne paa.e

zehn meñ koī nayā ḳhayāl agar dar aatā hai

to ham is par

ḳhud apne hāthoñ chūnā kar dete haiñ

koī rauzan

taaza havā ke phāñkne ko gar khultā hai

to kīchaḌ se bhar dete haiñ

dekho, hum sab ek safed kanwal par

Tek lagae tair rahe hain

aur mahsus ye karte hain ki hum ne KHud ko

naf-e-zamin se mazbuti se bandh rakha hai

apni har KHwahish ko hum ne

qatl kiya hai

taki dil mein koi tamanna sar na uThane pae

zehn mein koi naya KHayal agar dar aata hai

to hum is par

KHud apne hathon chuna kar dete hain

koi rauzan

taza hawa ke phankne ko gar khulta hai

to kichaD se bhar dete hain