kirya karm

sar-e-bazm ham ye sitam dekhte haiñ

hamārī taraf aap kam dekhte haiñ

jo miltā hai saaqī ke ruḳh kā pasīna

na taaḌī na whiskey na rum dekhte haiñ

na dekhe kisī ne achhūte vo jalve

in āñkhoñ se terī qasam dekhte haiñ

chaleñ sīdhe raste ye kyā naujavāñ dil

tirī zulf meñ pech-o-ḳham dekhte haiñ

sar-e-ġhair pā-posh se hai safāchaT

mohabbat kā kiryā karam dekhte haiñ

ḳhushī ġham junūñ hijr gor-e-ġharībāñ

mohabbat ke itne janam dekhte haiñ

lagāte haiñ dil baad meñ ye hasīn ab

ki jeboñ meñ pahle raqam dekhte haiñ

zarīf-e-suḳhan-sanj naġhma-sarā hai

ye urdu kā faiz-e-karam dekhte haiñ

sar-e-bazm hum ye sitam dekhte hain

hamari taraf aap kam dekhte hain

jo milta hai saqi ke ruKH ka pasina

na taDi na whiskey na rum dekhte hain

na dekhe kisi ne achhute wo jalwe

in aankhon se teri qasam dekhte hain

chalen sidhe raste ye kya naujawan dil

teri zulf mein pech-o-KHam dekhte hain

sar-e-ghair pa-posh se hai safachaT

mohabbat ka kirya karam dekhte hain

KHushi gham junun hijr gor-e-ghariban

mohabbat ke itne janam dekhte hain

lagate hain dil baad mein ye hasin ab

ki jebon mein pahle raqam dekhte hain

zarif-e-suKHan-sanj naghma-sara hai

ye urdu ka faiz-e-karam dekhte hain