kisi ki yaad ka chehra

kisī kī yaad kā chehra

mire vīrān ghar kī adh-khulī khiḌkī se

jo mujh ko bulātā hai

samay kī aañkh se TuuTā huā taarā

jo akasr raat kī palkoñ ke pīchhe jhilmilātā hai

use maiñ bhuul jā.ūñgī

mulā.em kāsnī lamha

kahīñ biite zamānoñ se nikal kar muskurātā hai

koī bhūlā huā naġhma

fazā meñ chupke chupke phail jaatā hai

bahut din se kisī ummīd kā saayā

kaThin rāhoñ meñ mere saath aatā hai

use maiñ bhuul jā.ūñgī

purānī Diary kī shoḳh tahrīroñ meñ

jo ik naam baaqī hai

kisī manzar kī ḳhushbū meñ rachī

jo rāhat-e-gumnām baaqī hai

adhūre naqsh kī takmīl kā

jitnā bhī jo bhī kaam baaqī hai

ye jitne diid ke lamhe

ye jitnī shaam baaqī hai

use maiñ bhuul jā.ūñgī

kisī kī yaad kā chehra

use maiñ bhuul jā.ūñgī

use maiñ bhuul jā.ūñgī

maiñ akasr sochtī to huuñ

magar vo yaad kā chehra!!

magar vo adh-khulī khiḌkī!!

kisi ki yaad ka chehra

mere viran ghar ki adh-khuli khiDki se

jo mujh ko bulata hai

samay ki aankh se TuTa hua tara

jo akasr raat ki palkon ke pichhe jhilmilata hai

use main bhul jaungi

mulaem kasni lamha

kahin bite zamanon se nikal kar muskuraata hai

koi bhula hua naghma

faza mein chupke chupke phail jata hai

bahut din se kisi ummid ka saya

kaThin rahon mein mere sath aata hai

use main bhul jaungi

purani Diary ki shoKH tahriron mein

jo ek nam baqi hai

kisi manzar ki KHushbu mein rachi

jo rahat-e-gumnam baqi hai

adhure naqsh ki takmil ka

jitna bhi jo bhi kaam baqi hai

ye jitne did ke lamhe

ye jitni sham baqi hai

use main bhul jaungi

kisi ki yaad ka chehra

use main bhul jaungi

use main bhul jaungi

main akasr sochti to hun

magar wo yaad ka chehra!!

magar wo adh-khuli khiDki!!