koi aane ka nahin ab

go hameñ mālūm thā

ki ab vo silsila baaqī nahīñ hai

go hameñ mālūm thā ki

nuuh aane ke nahīñ ab

haañ magar jab shahr meñ paanī dar aayā

ham ne kuchh mauhūm ummīdoñ ko paalā

aur ik baḌe pinDāl pe yakjā hue ham

aur ba-yak āvāz ham ne nuuh ko phir se pukārā

go hameñ mālūm thā ki

nuuh aane ke nahīñ ab

go hameñ ehsās ye bhī thā ki ham ne

ḳhud hī vo saarā samundar kaaT kar

us kā ruḳh moḌā thā apne shahr kī jānib

magar ham mutma.in the

mauhūm ummīdoñ ko aa.e din javāñ karte hue ham sab

ki phir se nuuh ā.eñge

bulā.eñge

jilau meñ apne taaza kashtiyāñ

maḳhlūq-e-ḳhudā ke taaza joḌe lā.eñge

aur ham phir se

nuuh kī kashtī meñ paanī se nikal jā.eñge ik din

ki ab paanī fasīleñ toḌ kar

shahr ko dariyā banāne pe tulā hai

ab nahīñ mālūm ki ham kis jagah haiñ kaun haiñ ham

ham abhī tak muntazir haiñ

ab hameñ kāmil yaqīñ hai

ibn-e-maryam lauT ā.eñge

hameñ zinda uThā.eñge

go hamein malum tha

ki ab wo silsila baqi nahin hai

go hamein malum tha ki

nuh aane ke nahin ab

han magar jab shahr mein pani dar aaya

hum ne kuchh mauhum ummidon ko pala

aur ek baDe pinDal pe yakja hue hum

aur ba-yak aawaz hum ne nuh ko phir se pukara

go hamein malum tha ki

nuh aane ke nahin ab

go hamein ehsas ye bhi tha ki hum ne

KHud hi wo sara samundar kaT kar

us ka ruKH moDa tha apne shahr ki jaanib

magar hum mutmain the

mauhum ummidon ko aae din jawan karte hue hum sab

ki phir se nuh aaenge

bulaenge

jilau mein apne taza kashtiyan

maKHluq-e-KHuda ke taza joDe laenge

aur hum phir se

nuh ki kashti mein pani se nikal jaenge ek din

ki ab pani fasilen toD kar

shahr ko dariya banane pe tula hai

ab nahin malum ki hum kis jagah hain kaun hain hum

hum abhi tak muntazir hain

ab hamein kaamil yaqin hai

ibn-e-maryam lauT aaenge

hamein zinda uThaenge