koi wahima to nahin

ġhazāla

ka.ī baar pūchhā hai maiñ ne

dhuñdhlakoñ meñ shab ke

maze shahr ke chār-mīnār se

jo ahl-e-dakan kī mohabbat kā model hai ab tak

ka.ī baar pūchhā

tujhī ko sar-e-bazm kyoñ maiñ ne dekhā

jo dekhā to kyoñ der tak tujh ko dekhā kiyā

mujhe yuuñ lagā

mere bachpan kī khoī huī aarzū kā nishāñ mil gayā

tirā ruup aazar kā husn-e-tafakkur

koī vāhima to nahīñ

ye āñkheñ jo ḳhayyām kā mai-kada haiñ

koī hādisa to nahīñ

koī ḳhvāb-e-rangīñ jo ta.abīr kī vādiyoñ tak na pahuñchā

koī mere pichhle janam kī adhūrī tamanna

ġhazāla

agar shiddat-e-ārzū meñ sadāqat hai apnī

to agle janam meñ kisī moḌ par phir mileñge

ye āvā-gavan ke hasīñ silsile to abad tak raheñge

tamannā.eñ sheroñ meñ Dhaltī raheñgī

ghazala

kai bar puchha hai main ne

dhundhlakon mein shab ke

maze shahr ke chaar-minar se

jo ahl-e-dakan ki mohabbat ka model hai ab tak

kai bar puchha

tujhi ko sar-e-bazm kyon main ne dekha

jo dekha to kyon der tak tujh ko dekha kiya

mujhe yun laga

mere bachpan ki khoi hui aarzu ka nishan mil gaya

tera rup aazar ka husn-e-tafakkur

koi wahima to nahin

ye aankhen jo KHayyam ka mai-kada hain

koi hadisa to nahin

koi KHwab-e-rangin jo tabir ki wadiyon tak na pahuncha

koi mere pichhle janam ki adhuri tamanna

ghazala

agar shiddat-e-arzu mein sadaqat hai apni

to agle janam mein kisi moD par phir milenge

ye aawa-gawan ke hasin silsile to abad tak rahenge

tamannaen sheron mein Dhalti rahengi