kuza-gar ki maut

ik muddat se ik kūza-gar

ghūmte chaak par

ḳhvāhishoñ ārzūoñ kī ik

mūrtī sī banātā rahā

us kā fan

us kī shohrat kā bā'is banā

us ko 'izzat milī aur daulat milī

chain se ho rahī thī basar zindagī

phir achānak 'ajab sī ik āvāz dil meñ uThī

aur iThlā ke bolī

suno ai kūza-gar

ḳhūb-sūrat bahut haiñ tumhāre sanam

par ye qāmat meñ tum se haiñ kamtar bahut

apne fan kī anā ke takabbur ko oḌhe hue

kūza-gar ne ye ḳhud se kahā

ek aisī bhī mūrat kī taḳhlīq ho

jo ujāgar kare qadr-o-qīmat mirī

jis kā qad aur ākār mere barābar kā ho

tab gaḌhī us ne mūrat pe mūrat na.ī

un kā ākār baḌhtā gayā

phir yahāñ tak baḌhā

us kī sab mūrateñ

us ke qad se baḌī ho ga.iiñ

chaak chhoTā thā aur haath bhī us ke apne purāne hī the

phir huā ye ki vo āḳhirī mūrtī

ek tuude se yuuñ TuuT kar gir paḌī

chaak aur kūza-gar

Dher meñ dab ga.e

ek muddat se ek kuza-gar

ghumte chaak par

KHwahishon aarzuon ki ek

murti si banata raha

us ka fan

us ki shohrat ka ba'is bana

us ko 'izzat mili aur daulat mili

chain se ho rahi thi basar zindagi

phir achanak 'ajab si ek aawaz dil mein uThi

aur iThla ke boli

suno ai kuza-gar

KHub-surat bahut hain tumhaare sanam

par ye qamat mein tum se hain kamtar bahut

apne fan ki ana ke takabbur ko oDhe hue

kuza-gar ne ye KHud se kaha

ek aisi bhi murat ki taKHliq ho

jo ujagar kare qadr-o-qimat meri

jis ka qad aur aakar mere barabar ka ho

tab gaDhi us ne murat pe murat nai

un ka aakar baDhta gaya

phir yahan tak baDha

us ki sab muraten

us ke qad se baDi ho gain

chaak chhoTa tha aur hath bhi us ke apne purane hi the

phir hua ye ki wo aaKHiri murti

ek tude se yun TuT kar gir paDi

chaak aur kuza-gar

Dher mein dab gae