kya hai

gehūñ kyā shai hai bājrā kyā hai

aur chāval hai kyā chanā kyā hai

uf ye basta mire ḳhudā kyā hai

mirī taqdīr meñ likhā kyā hai

ye schōl aur madrasa kyā hai

in ke khulne kā mudda.ā kyā hai

aaj tak ye samajh meñ aa na sakā

likhne paḌhne se fā.eda kyā hai

ye kitābeñ ye copiyāñ ye qalam

in meñ kuchh to kaho dharā kyā hai

bas kitāboñ bharā baḌā basta

aur maañ baap ne diyā kyā hai

master mujh ko mārte kyoñ haiñ

maiñ ne un ko bhalā kahā kyā hai

aadmī se banā diyā murġhā

aur is se baḌī sazā kyā hai

der chhuTTī meñ kyā hai dekhūñ to

ab ghaḌī meñ mirī bajā kyā hai

ham ko ammī ye pahle batlā do

chaa.e ke saath nāshta kyā hai

jis ne khaa.e na hoñ vo kyā jaane

ras bharī kyā hai ġhalġhala kyā hai

sau gadhoñ par shakīl hai bhārī

sāmne us ke ik gadhā kyā hai

sar muñDā kar vo aa rahā hai tufail

baḌh ke de Tiip dekhtā kyā hai

baat 'yaktā' kī maan apne liye

soch achchhā hai kyā burā kyā hai

gehun kya shai hai bajra kya hai

aur chawal hai kya chana kya hai

uf ye basta mere KHuda kya hai

meri taqdir mein likha kya hai

ye school aur madrasa kya hai

in ke khulne ka muddaa kya hai

aaj tak ye samajh mein aa na saka

likhne paDhne se faeda kya hai

ye kitaben ye copiyan ye qalam

in mein kuchh to kaho dhara kya hai

bas kitabon bhara baDa basta

aur man bap ne diya kya hai

master mujh ko marte kyon hain

main ne un ko bhala kaha kya hai

aadmi se bana diya murgha

aur is se baDi saza kya hai

der chhuTTi mein kya hai dekhun to

ab ghaDi mein meri baja kya hai

hum ko ammi ye pahle batla do

chae ke sath nashta kya hai

jis ne khae na hon wo kya jaane

ras bhari kya hai ghalghala kya hai

sau gadhon par shakil hai bhaari

samne us ke ek gadha kya hai

sar munDa kar wo aa raha hai tufail

baDh ke de Tip dekhta kya hai

baat 'yakta' ki man apne liye

soch achchha hai kya bura kya hai