kya hoga anjam

ek se ek sharārat sūjhe ham ko sub.h-o-shām

to bolo kyā hogā anjām

khel meñ apnī jaan paḌī ho shoḳhī meñ ho naam

to bolo kyā hogā anjām

aapā ke baste meñ ham chupke se miTTī bhar deñ

abbā kī chhatrī ko jo ham toḌ ke char mar kar deñ

aisī bāteñ ham ghar meñ karne lag jaa.eñ aam

to bolo kyā hogā anjām

ham ne dil meñ Thānī ho ki suneñge aaj kahānī

farmā.ish radd kar dī jaa.e aur so jaa.eñ naanī

murġhī kā par kaan meñ de ke sonā kareñ harām

to bolo kyā hogā anjām

geography kā teacher jab āvezāñ kar de naqsha

ham se phir ye pūchhā jaa.e zarā dikhāo shimla

jis par ham uñglī ko rakkheñ likkhā ho āsām

to bolo kyā hogā anjām

ḳharbūzoñ ke khet ke andar ghus jaa.eñ chupke se

rakhvālā bhī taaḌ rahā ho pīchhe se aa pahuñche

aur hamārī gardan apne hāthoñ meñ le thaam

to bolo kyā hogā anjām

ek se ek sharārat sūjhe ham ko sub.h-o-shām

to bolo kyā hogā anjām

khel meñ apnī jaan paḌī ho shoḳhī meñ ho naam

to bolo kyā hogā anjām

ek se ek shararat sujhe hum ko subh-o-sham

to bolo kya hoga anjam

khel mein apni jaan paDi ho shoKHi mein ho nam

to bolo kya hoga anjam

aapa ke baste mein hum chupke se miTTi bhar den

abba ki chhatri ko jo hum toD ke char mar kar den

aisi baaten hum ghar mein karne lag jaen aam

to bolo kya hoga anjam

hum ne dil mein Thani ho ki sunenge aaj kahani

farmaish radd kar di jae aur so jaen nani

murghi ka par kan mein de ke sona karen haram

to bolo kya hoga anjam

geography ka teacher jab aawezan kar de naqsha

hum se phir ye puchha jae zara dikhao shimla

jis par hum ungli ko rakkhen likkha ho aasam

to bolo kya hoga anjam

KHarbuzon ke khet ke andar ghus jaen chupke se

rakhwala bhi taD raha ho pichhe se aa pahunche

aur hamari gardan apne hathon mein le tham

to bolo kya hoga anjam

ek se ek shararat sujhe hum ko subh-o-sham

to bolo kya hoga anjam

khel mein apni jaan paDi ho shoKHi mein ho nam

to bolo kya hoga anjam