kya kah gai hai bagh se baad-e-KHizan na puchh

hangāma-e-kashākash-e-sūd-o-ziyāñ na pūchh

shāyad ki ho rahā hai phir ik imtihāñ na pūchh

kyūñkar luTī hai jins-e-girāñ-māya-e-nashāt

vīrāñ huā hai kaise bharā āshiyāñ na pūchh

shāyad sujhā ga.ī hai ma.āl-e-chaman kā raaz

kyā kah ga.ī hai baaġh se bād-e-ḳhizāñ na pūchh

ai nā-shanās-e-qīmat-e-āzādī-e-hayāt

hāsil huī hai chiiz ye kitnī girāñ na pūchh

tafrīq-e-bāhamī ye tashattut ye iftirāq

ḳhirman jalā na deñ kahīñ ye bijliyāñ na pūchh

apnī jagah bhī kyoñ koī ab mutma.in nahīñ

nukta nahīñ ye qābil-e-sharh-o-bayāñ na pūchh

uljhā huā hai bāhamī jang-o-jadal meñ kyoñ

duniyā pahuñch ga.ī hai kahāñ se kahāñ na pūchh

'ibrat-nazar se dekh ma.āl-e-gul-o-chaman

dastūr-e-inqilāb-e-bahār-o-ḳhizāñ na pūchh

jin se hai ab bhī dāman-e-insān lāla-zār

afsāna-e-hayāt kī vo surḳhiyāñ na pūchh

fitna koī jahāñ meñ nayā jāgtā na ho

uThThā hai kyoñ ye shor-e-ġham-e-nā-gahāñ na pūchh

'in'ām' zindagī ke haqā.eq ke vāste

lāzim hai kis qadar nazar-e-nukta-dāñ na pūchh

hangama-e-kashakash-e-sud-o-ziyan na puchh

shayad ki ho raha hai phir ek imtihan na puchh

kyunkar luTi hai jins-e-giran-maya-e-nashat

viran hua hai kaise bhara aashiyan na puchh

shayad sujha gai hai maal-e-chaman ka raaz

kya kah gai hai bagh se baad-e-KHizan na puchh

ai na-shanas-e-qimat-e-azadi-e-hayat

hasil hui hai chiz ye kitni giran na puchh

tafriq-e-bahami ye tashattut ye iftiraq

KHirman jala na den kahin ye bijliyan na puchh

apni jagah bhi kyon koi ab mutmain nahin

nukta nahin ye qabil-e-sharh-o-bayan na puchh

uljha hua hai bahami jang-o-jadal mein kyon

duniya pahunch gai hai kahan se kahan na puchh

'ibrat-nazar se dekh maal-e-gul-o-chaman

dastur-e-inqilab-e-bahaar-o-KHizan na puchh

jin se hai ab bhi daman-e-insan lala-zar

afsana-e-hayat ki wo surKHiyan na puchh

fitna koi jahan mein naya jagta na ho

uThTha hai kyon ye shor-e-gham-e-na-gahan na puchh

'in'am' zindagi ke haqaeq ke waste

lazim hai kis qadar nazar-e-nukta-dan na puchh