kya kahen kya likhen

samā.ateñ bain kar rahī haiñ

ki log har-chand bolte haiñ

magar kuchh aise

ki jaise un kī zabān o lab ke vo saare hisse

jo barmalā guftugū kī sachchī adā.egī ke liye banā.e ga.e the

maflūj ho ga.e haiñ

basar-ḳharāshī kī intihā hai

ki saarī bāteñ jo an-kahī haiñ

tamām

chehroñ kī lauh-e-mahfūz par likhī haiñ

koī batāo

ki jab kisī kī zabān chehre kā saath chhoḌe

to aisī hālat ko kyā kaheñ ham?

koī batāo

ki jab bahut se azaab chehre zabān ban jaa.eñ

to zabānoñ ko kyā likkheñ ham?

jo ye zamāna hai misl-e-firdaus

in zamānoñ ko kyā likkheñ ham?

zamām goyā.ī jab zabānoñ ke haath meñ thī

hurūf-e-abjad qarār meñ the

zabān o lab ke hisār meñ the

samaaten bain kar rahi hain

ki log har-chand bolte hain

magar kuchh aise

ki jaise un ki zaban o lab ke wo sare hisse

jo barmala guftugu ki sachchi adaegi ke liye banae gae the

mafluj ho gae hain

basar-KHarashi ki intiha hai

ki sari baaten jo an-kahi hain

tamam

chehron ki lauh-e-mahfuz par likhi hain

koi batao

ki jab kisi ki zaban chehre ka sath chhoDe

to aisi haalat ko kya kahen ham?

koi batao

ki jab bahut se azab chehre zaban ban jaen

to zabanon ko kya likkhen ham?

jo ye zamana hai misl-e-firdaus

in zamanon ko kya likkhen ham?

zamam goyai jab zabanon ke hath mein thi

huruf-e-abjad qarar mein the

zaban o lab ke hisar mein the