kyon

ai ḳhudā phir se hameñ jahl kī daulat de de

tū ne kyoñ ilm diyā aur jahālat chhīnī

tū ne kyoñ jannat-e-humaqā se nikālā ham ko

zehn ko kis liye hone diyā bāliġh tū ne

āstīnoñ meñ mire pal ke sañpole kī tarah

Das liye jis ne mire saare hī auhām-e-kuhan

āñkheñ chehre pe kabhī ko haiñ milīñ

kaan bhī

haath bhī

paañv bhī paa.e sab ne

dekhte sab haiñ

har ik baat ko sab jānte haiñ

aur pāmāl kiyā karte haiñ saare raste

phir ye kyā baat hai

maiñ guzrā jo in rāhoñ se

apnī āñkhoñ se manāzir vahī dekhe maiñ ne

jo sabhī dekh rahe the

jo sabhī ne dekhe

be-hisī aur sukūñ se

kyoñ mire kaan baje

kyoñ mirī fikr ko mahmez huī

aur jaag uTThā ḳhayālāt meñ mahshar kā hujūm

ai ḳhudā phir se hameñ jahl kī daulat de de

ai KHuda phir se hamein jahl ki daulat de de

tu ne kyon ilm diya aur jahaalat chhini

tu ne kyon jannat-e-humaqa se nikala hum ko

zehn ko kis liye hone diya baaligh tu ne

aastinon mein mere pal ke sanpole ki tarah

Das liye jis ne mere sare hi auham-e-kuhan

aankhen chehre pe kabhi ko hain milin

kan bhi

hath bhi

panw bhi pae sab ne

dekhte sab hain

har ek baat ko sab jaante hain

aur pamal kiya karte hain sare raste

phir ye kya baat hai

main guzra jo in rahon se

apni aankhon se manazir wahi dekhe main ne

jo sabhi dekh rahe the

jo sabhi ne dekhe

be-hisi aur sukun se

kyon mere kan baje

kyon meri fikr ko mahmez hui

aur jag uTTha KHayalat mein mahshar ka hujum

ai KHuda phir se hamein jahl ki daulat de de