kyun tera rah-guzar yaad aaya

terī jannat se bahut behtar hai

mere mahbūb kā ghar

ai ḳhudā tū mujhe jannat ke evaz

ghar de de mere mahbūb kā ghar

vo kare laakh sitam mujh pe

maiñ sab sah lūñgā

mausam-e-sarmā meñ vo aag lagā ke dil meñ

haath bhī taape gavārā hai mujhe

dil ne gar tang kiyā

to jigar ko maiñ sadā.eñ dūñgā

us ko bhī tishna jo paayā

to bhī fariyād karūñgā

nahīñ maiñ

umr sab biit ga.ī

kūcha-e-jānāñ ke lagāte chakkar

baa'd marne ke bhī jī meñ hai tavāf

usī kūche kā tavāf

jis meñ ghar hai mire mahbūb kā ghar

us kā ghar ghar kī tarah mere nahīñ

ek din ghar se jo ghabrā ke maiñ sahrā pahūñchā

thī nahīñ sahrā meñ vo vahshat vīrānī

jo mire ghar meñ hai

is liye ghar mirā ab mirī jannat Thahrā

mere mahbūb ke kūche kā tavāf

aur us kā ghar nahīñ donoñ ye mile

to ye kah detā huuñ maiñ

zindagī yuuñ bhī guzar hī jaatī

kyuuñ tirā rāhguzar yaad aayā

teri jannat se bahut behtar hai

mere mahbub ka ghar

ai KHuda tu mujhe jannat ke ewaz

ghar de de mere mahbub ka ghar

wo kare lakh sitam mujh pe

main sab sah lunga

mausam-e-sarma mein wo aag laga ke dil mein

hath bhi tape gawara hai mujhe

dil ne gar tang kiya

to jigar ko main sadaen dunga

us ko bhi tishna jo paya

to bhi fariyaad karunga

nahin main

umr sab bit gai

kucha-e-jaanan ke lagate chakkar

ba'd marne ke bhi ji mein hai tawaf

usi kuche ka tawaf

jis mein ghar hai mere mahbub ka ghar

us ka ghar ghar ki tarah mere nahin

ek din ghar se jo ghabra ke main sahra pahuncha

thi nahin sahra mein wo wahshat virani

jo mere ghar mein hai

is liye ghar mera ab meri jannat Thahra

mere mahbub ke kuche ka tawaf

aur us ka ghar nahin donon ye mile

to ye kah deta hun main

zindagi yun bhi guzar hi jati

kyun tera rahguzar yaad aaya