kyunki hum KHas log hain

vaqtan-favaqtan hamārī tārīf kī jaa.e

hameñ shābāshī dī jaa.e

kyūñki ham ḳhaas log haiñ

hamārā ḳhudā ek ḳhaas darvāze se

hameñ apnī jannat meñ dāḳhle kā e.azāz baḳhshegā

hamārā muqābla aam ādamiyoñ se na kiyā jaa.e

hameñ mutlaq iz.hār-e-rā.e kī āzādī dī jaa.e

hamāre tarz-e-amal par koī qadġhan na lagā.e

taslīm kiyā jaa.e ki ham

zindagī ko ziyāda gahrā.ī se samajhne kī salāhiyat rakhte haiñ

hameñ aam ādamiyoñ ke liye banā.e jaane vaale me.ārāt par na parkhā jaa.e

hameñ har tarah kī tanqīd aur ehtisāb se baalā qarār diyā jaa.e

avaam kī ḳhidmat aur islāh hamārā mission hai

agar is mission ko pā-e-takmīl tak pahuñchāne ke daurān

koī shaḳhs agar hamāre hāthoñ

jazbātī yā jismānī taur par halāk ho jaa.e

to hamārī niyyat par shubah na kiyā jaa.e

hameñ shābāshī deñ, hamārī tārīf kī jaa.e

kyūñki ham ḳhaas log haiñ

waqtan-fawaqtan hamari tarif ki jae

hamein shabashi di jae

kyunki hum KHas log hain

hamara KHuda ek KHas darwaze se

hamein apni jannat mein daKHle ka eazaz baKHshega

hamara muqabla aam aadamiyon se na kiya jae

hamein mutlaq izhaar-e-rae ki aazadi di jae

hamare tarz-e-amal par koi qadghan na lagae

taslim kiya jae ki hum

zindagi ko ziyaada gahrai se samajhne ki salahiyat rakhte hain

hamein aam aadamiyon ke liye banae jaane wale mearaat par na parkha jae

hamein har tarah ki tanqid aur ehtisab se baala qarar diya jae

awam ki KHidmat aur islah hamara mission hai

agar is mission ko pa-e-takmil tak pahunchane ke dauran

koi shaKHs agar hamare hathon

jazbaati ya jismani taur par halak ho jae

to hamari niyyat par shubah na kiya jae

hamein shabashi den, hamari tarif ki jae

kyunki hum KHas log hain