کیونکہ ہم خاص لوگ ہیں
وقتاً فوقتاً ہماری تعریف کی جائے
ہمیں شاباشی دی جائے
کیونکہ ہم خاص لوگ ہیں
ہمارا خدا ایک خاص دروازے سے
ہمیں اپنی جنت میں داخلے کا اعزاز بخشے گا
ہمارا مقابلہ عام آدمیوں سے نہ کیا جائے
ہمیں مطلق اظہار رائے کی آزادی دی جائے
ہمارے طرز عمل پر کوئی قدغن نہ لگائے
تسلیم کیا جائے کہ ہم
زندگی کو زیادہ گہرائی سے سمجھنے کی صلاحیت رکھتے ہیں
ہمیں عام آدمیوں کے لیے بنائے جانے والے معیارات پر نہ پرکھا جائے
ہمیں ہر طرح کی تنقید اور احتساب سے بالا قرار دیا جائے
عوام کی خدمت اور اصلاح ہمارا مشن ہے
اگر اس مشن کو پائے تکمیل تک پہنچانے کے دوران
کوئی شخص اگر ہمارے ہاتھوں
جذباتی یا جسمانی طور پر ہلاک ہو جائے
تو ہماری نیت پر شبہ نہ کیا جائے
ہمیں شاباشی دیں، ہماری تعریف کی جائے
کیونکہ ہم خاص لوگ ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
