la-ilaj

tū ai lakka-e-abr

tere badan ke musāmāt ḳhaliyoñ meñ

zahr-e-alam is tarah ghul rahā hai ki

terā ik ik ang niilā huā hai

tū is darja ro ki

tālāb ban jaa.e jhiil

tū ai chhoTī-moTī pahāḌī

pighalte hue ġham ke laave ko siine meñ apne

chhupā.e rakhegī to kab tak

tū ro is qadar ro

ki ye jhiil jo tere dāman meñ hai

az-karāñ tā-karāñ phail jaa.e

tū ai āsmāñ chhūne vaale pahāḌ

tire dard kī aañch maddham huī hai kahāñ

ro bahut tez ro

ki ban jaa.e dariyā samandar

athāh aur be-pāyāñ samandar

mirā mashvara

lakka-e-abr chhoTī pahāḌī

buland āsmāñ chhūne vaale pahāḌoñ ko

ashkoñ se

nahlā.egā

aur maiñ

apnī hī aag meñ andar andar

pighal jā.ūñgā

tu ai lakka-e-abr

tere badan ke musamat KHaliyon mein

zahr-e-alam is tarah ghul raha hai ki

tera ek ek ang nila hua hai

tu is darja ro ki

talab ban jae jhil

tu ai chhoTi-moTi pahaDi

pighalte hue gham ke lawe ko sine mein apne

chhupae rakhegi to kab tak

tu ro is qadar ro

ki ye jhil jo tere daman mein hai

az-karan ta-karan phail jae

tu ai aasman chhune wale pahaD

tere dard ki aanch maddham hui hai kahan

ro bahut tez ro

ki ban jae dariya samandar

athah aur be-payan samandar

mera mashwara

lakka-e-abr chhoTi pahaDi

buland aasman chhune wale pahaDon ko

ashkon se

nahlaega

aur main

apni hi aag mein andar andar

pighal jaunga