la-yaniyat

zindagī sher kā mauzūa to ho saktī hai

sher ke aur jo unvāñ haiñ agar vo na raheñ

is pe kyā bahs kareñ

bahs phir bahs hai

aurat pe ho lauñDe pe ho yā jins pe ho

bahs phir bahs hai

aḳhlāq par maz.hab pe ho yā falsafa-e-science pe ho

bahs phir bahs hai

zindagī aur ajal pe ho yā ḳhud sher pe ho

bahs kis darja hai lā-yānī shai

bahs jo ho na sakī maañ se ki vo maañ hai mirī

aur beTe se ki beTā hai mirā

aur nahīñ jānte ham donoñ bhī

maiñ bhī beTā bhī mirā

kis kī aulād haiñ ham

bahs kis darja hai lā-yānī shai

pūchho us ruuh se us jism se ḳhalvat meñ kabhī

jo lafz sochtā rahtā hai yahī

zindagī kis tarah kaaTī jaa.e

zindagi sher ka mauzua to ho sakti hai

sher ke aur jo unwan hain agar wo na rahen

is pe kya bahs karen

bahs phir bahs hai

aurat pe ho launDe pe ho ya jins pe ho

bahs phir bahs hai

aKHlaq par mazhab pe ho ya falsafa-e-science pe ho

bahs phir bahs hai

zindagi aur ajal pe ho ya KHud sher pe ho

bahs kis darja hai la-yani shai

bahs jo ho na saki man se ki wo man hai meri

aur beTe se ki beTa hai mera

aur nahin jaante hum donon bhi

main bhi beTa bhi mera

kis ki aulad hain hum

bahs kis darja hai la-yani shai

puchho us ruh se us jism se KHalwat mein kabhi

jo lafz sochta rahta hai yahi

zindagi kis tarah kaTi jae