lalach ka phal

ik muflis ke chaar the bachche

daal aur roTī jau khāte the

khāte usī ko samajh ke ne.amat

lab pe na laate koī shikāyat

lekin un meñ ik laḌkā thā

us ko na bhāyā aisā khānā

ik laḌke kā dost banā vo

daulat-mand bahut kuchh thā vo

us ke ghar ko aatā jaatā

umda umda khāne khātā

lekin apne dost se us kī

ik din ho ga.ī an-ban koī

dost ne itnā maarā piiTā

daañt gire ḳhuuñ muñh se niklā

us dam us ko hosh ye aayā

hirs kā ye in.aam hai paayā

apne hāthoñ khoī izzat

aur uThā.ī aisī zillat

sach hai buzurgoñ kā ye kahnā

lālach se tum duur hī rahnā

mile jo daal aur roTī khaao

shikva lab pe na 'jauhar' laao

ek muflis ke chaar the bachche

dal aur roTi jau khate the

khate usi ko samajh ke neamat

lab pe na late koi shikayat

lekin un mein ek laDka tha

us ko na bhaya aisa khana

ek laDke ka dost bana wo

daulat-mand bahut kuchh tha wo

us ke ghar ko aata jata

umda umda khane khata

lekin apne dost se us ki

ek din ho gai an-ban koi

dost ne itna mara piTa

dant gire KHun munh se nikla

us dam us ko hosh ye aaya

hirs ka ye inam hai paya

apne hathon khoi izzat

aur uThai aisi zillat

sach hai buzurgon ka ye kahna

lalach se tum dur hi rahna

mile jo dal aur roTi khao

shikwa lab pe na 'jauhar' lao