لفظوں کے کھیل بہت عجیب ہوتے ہیں
کبھی آسمان پر لے جاتے ہیں
اور کبھی زمین پر دے مارتے ہیں
یہ کپڑوں کے رنگوں سے زیادہ
کبھی بہت گہرے
کبھی بہت ہلکے
سروں میں
دھیمے دھیمے
خون سیراب کرتے ہیں
اور کبھی ایک ایک قطرہ نچوڑ لیتے ہیں
یہ آرام دہ بستر پر ہم سے ہم بستری کرتے ہیں
اور کبھی ہماری آنول نال سے چپک جاتے ہیں
اور جب تک ہم زندہ رہتے ہیں
یہ ہمیں لوریاں دیتے ہیں
اور کبھی ہمیں اچانک مر جانے پر
مجبور کرتے ہیں
اور یہ لفظ ہی اعلان کرتے ہیں
کہ کس جگہ کس تاریخ کو
ہم کہاں مردہ حالت میں پائے گئے
- کتاب : Meez per rakhe haath (Pg. 92)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
