lahu bolta hai 3

maiñ sochtā huuñ

ki mere tan kā ye nichlā hissa

jo ma.asiyat ke muhīb ġhāroñ meñ gir gayā thā

jise koī dev ain ahd-e-shabāb meñ

apne ġhaar kī tīrgī meñ mahbūs kar gayā thā

jise gunah kā ghanā añdherā

ḳhud apne ḳhuuñ meñ umaDtī ātish kā raqs

gardish kā shor-o-ġhauġhā

vo ishq-e-pechāñ kī bel jise gaThe hue ḳhvāb

qahva rañgat gudāz ko lahū ke

lams abreshmī mulā.em bhare bhare se gulābī hoñToñ kā

lazzateñ lahr lahr ban kar ubhartī jhāgoñ kī

andhī khā.iyoñ meñ Duub jaane kī ḳhvāhisheñ

aks jhālroñ ke

havas kī bārish ke garm chhīñTe

vasīle jismoñ ke qurb ke imbisāt tan ke

bahut satāte the achchhe lagte the

main sochta hun

ki mere tan ka ye nichla hissa

jo masiyat ke muhib ghaaron mein gir gaya tha

jise koi dew ain ahd-e-shabab mein

apne ghaar ki tirgi mein mahbus kar gaya tha

jise gunah ka ghana andhera

KHud apne KHun mein umaDti aatish ka raqs

gardish ka shor-o-ghaugha

wo ishq-e-pechan ki bel jise gaThe hue KHwab

qahwa rangat gudaz ko lahu ke

lams abreshmi mulaem bhare bhare se gulabi honTon ka

lazzaten lahr lahr ban kar ubharti jhagon ki

andhi khaiyon mein Dub jaane ki KHwahishen

aks jhaalron ke

hawas ki barish ke garm chhinTe

wasile jismon ke qurb ke imbisat tan ke

bahut satate the achchhe lagte the