lahu-rang sayyal raushan bhanwar

chaTānoñ ke andar

bahut saarī partoñ ke qilaoñ

fasīloñ kī tasḳhīr kartī

mirī aañkh jab aur aage baḌhī to

vahāñ aag ke ik garajte samundar se lag kar

bahut hī munavvar

bahut ḳhūb-sūrat sī duniyā khaḌī thī

hazāroñ chamakte hue rañg ke

an-ginat pattharoñ ne

mirī aañkh kā ḳhair-maqdam kiyā

dhueñ aur kohre kī parchhā.iyoñ se pare

ātish-e-sañg-e-be-tāb

ik lams-e-avval kī ḳhātir

lahū-rañg sayyāl raushan bhañvar

nāchtī sā.iqa

teḌhī-meḌhī sī bahtī huī

sīm-tan ik nadī

āb-e-zar meñ nahāte hue

sabz niile gulābī sitāre

mirī aañkh ke muntazir the

mirī aañkh saare nazāroñ kī tahrīr paḌhne lagī

phir na jaane huā kyā

kahāñ kho ga.ī

vahāñ se mirī aañkh vāpas nahīñ aa sakī

chaTanon ke andar

bahut sari parton ke qilaon

fasilon ki tasKHir karti

meri aankh jab aur aage baDhi to

wahan aag ke ek garajte samundar se lag kar

bahut hi munawwar

bahut KHub-surat si duniya khaDi thi

hazaron chamakte hue rang ke

an-ginat pattharon ne

meri aankh ka KHair-maqdam kiya

dhuen aur kohre ki parchhaiyon se pare

aatish-e-sang-e-be-tab

ek lams-e-awwal ki KHatir

lahu-rang sayyal raushan bhanwar

nachti saiqa

teDhi-meDhi si bahti hui

sim-tan ek nadi

aab-e-zar mein nahate hue

sabz nile gulabi sitare

meri aankh ke muntazir the

meri aankh sare nazaron ki tahrir paDhne lagi

phir na jaane hua kya

kahan kho gai

wahan se meri aankh wapas nahin aa saki