lamha

abhī ik shāḳh se

hañste hue

ik phuul kī ḳhushbū

jo TuuTī hai

usī ne mausamoñ ko

raag kī ta.alīm baḳhshī hai

usī ne dard ko

tāsīr meñ bahnā sikhāyā hai

magar ik ḳhvāb jo

resham ke dhāgoñ meñ

kahīñ uljhā huā sā hai

use maiñ jāgte sote

suroñ meñ

gungunātā huuñ

use maiñ raushnī ke

aa.ine meñ

dekh letā huuñ

musalsal raat ke lamhe

mirī palkoñ pe

har-dam ḳhvāb bunte haiñ

mujhe shab-bhar jagāte haiñ

mire maazī ke kuchh dhāge

abhī tak mujh se uljhe haiñ

mirī tanhā.iyoñ meñ

guuñj hai ab tak

kisī ma.asūm bātin kī

kisī rangīn titlī kī

kisī jādū-bayāñ kī

aur kisī shaffāf gulshan kī

abhi ek shaKH se

hanste hue

ek phul ki KHushbu

jo TuTi hai

usi ne mausamon ko

rag ki talim baKHshi hai

usi ne dard ko

tasir mein bahna sikhaya hai

magar ek KHwab jo

resham ke dhagon mein

kahin uljha hua sa hai

use main jagte sote

suron mein

gungunata hun

use main raushni ke

aaine mein

dekh leta hun

musalsal raat ke lamhe

meri palkon pe

har-dam KHwab bunte hain

mujhe shab-bhar jagate hain

mere mazi ke kuchh dhage

abhi tak mujh se uljhe hain

meri tanhaiyon mein

gunj hai ab tak

kisi masum baatin ki

kisi rangin titli ki

kisi jadu-bayan ki

aur kisi shaffaf gulshan ki