lams-e-awwal

ye bhī kyā kam hai ki tū ne mujhe pahchān liyā

vo bhī kyā raat thī jab tujh se mulāqāt huī

sahmī sahmī sī nigāhoñ meñ zarā baat huī

jab tirī zulf-e-pur-afshāñ se havā aatī thī

dil ke tārīk bayābān mahak jaate the

tū ne ghabrā ke chhupā.ī thiiñ jo apnī āñkheñ

jaise do sāġhar-e-rañgīn kahīñ chhalke the

jab mirā haath tire haath se chhū jaatā thā

taar jaise kahīñ bijlī ke sanak jaate the

ye bhī kyā kam hai ki tū ne mujhe pahchān liyā

ye bhi kya kam hai ki tu ne mujhe pahchan liya

wo bhi kya raat thi jab tujh se mulaqat hui

sahmi sahmi si nigahon mein zara baat hui

jab teri zulf-e-pur-afshan se hawa aati thi

dil ke tarik bayaban mahak jate the

tu ne ghabra ke chhupai thin jo apni aankhen

jaise do saghar-e-rangin kahin chhalke the

jab mera hath tere hath se chhu jata tha

tar jaise kahin bijli ke sanak jate the

ye bhi kya kam hai ki tu ne mujhe pahchan liya