lams jhuTa nahin

vo thal kī ret uḌātā hai

to zarre hoñToñ par chipak jaate haiñ

zabān zā.iqe kī kaḌvāhaT

thūktī rah jaatī hai

aur vo

jo band hoñToñ ke qufl toḌnā jāntā hai

chhaTī his muqaffal nahīñ kar saktā

vo nahīñ jāntā

bhiñche hoñToñ se chhuā jaa.e

to zabān hī nahīñ

dil bhī kalām karne se inkār kar detā hai

aur vo bhī

jo shab-o-roz kī chimniyoñ se nikaltā dhuāñ dekh kar

aag bujhāne lagtā hai

ḳhadd-o-ḳhāl ko bhasm hote nahīñ dekh saktā

vo raakh hote hoñToñ kī bhur-bhurāhaT

mahsūs nahīñ kar saktā

aur tum

jo pāniyoñ ko chhū kar

be-kanār kar sakte ho

havāoñ kī sarsarāhaT

qaid kar sakte ho poroñ meñ

utaar sakte ho rañgoñ kī vahī dil par

ban sakte haiñ tumhāre hoñT

ḳhvāb meñ bhī

reshmī sach

wo thal ki ret uData hai

to zarre honTon par chipak jate hain

zaban zaiqe ki kaDwahaT

thukti rah jati hai

aur wo

jo band honTon ke qufl toDna jaanta hai

chhaTi his muqaffal nahin kar sakta

wo nahin jaanta

bhinche honTon se chhua jae

to zaban hi nahin

dil bhi kalam karne se inkar kar deta hai

aur wo bhi

jo shab-o-roz ki chimniyon se nikalta dhuan dekh kar

aag bujhane lagta hai

KHadd-o-KHal ko bhasm hote nahin dekh sakta

wo rakh hote honTon ki bhur-bhurahaT

mahsus nahin kar sakta

aur tum

jo paniyon ko chhu kar

be-kanar kar sakte ho

hawaon ki sarsarahaT

qaid kar sakte ho poron mein

utar sakte ho rangon ki wahi dil par

ban sakte hain tumhaare honT

KHwab mein bhi

reshmi sach