لطیفہ

کھیلتے کھیلتے کوئی بچہ

ایک دن اک کنوئیں پہ جا پہنچا

اپنی صورت اسے نظر آئی

جھانک کر اس نے اس میں جب دیکھا

کم سمجھ اور بےوقوف تھا وہ

سمجھا کوئی کنوئیں میں ہے بیٹھا

ڈر کے بھاگا وہ اپنے گھر کی طرف

راہ میں مل گئے اسے ابا

بولا کوئی کنوئیں میں بیٹھا ہے

دیکھ کر جس کو ڈر کے میں بھاگا

ابا آئے کنوئیں پہ غصہ میں

دیکھ کر اس میں اپنا ہی سایہ

بولے جھنجھلا کے کیوں میاں صاحب

داڑھی رکھ کر یہ حرکت بے جا

اک تو بچوں کو تم ڈراتے ہو

اس پہ آنکھیں ہمیں دکھاتے ہو