lekin

zindagī tujh se tavaqqo to bahut thī lekin

tire faizān-e-dil-āvez ke dāman meñ magar

mire hisse kī ḳhushī kā koī aañsū bhī nahīñ

koī shabnam koī taarā koī jugnū bhī nahīñ

koī dīvār koī dar koī saaya bhī nahīñ

koī apnā bhī nahīñ koī parāyā bhī nahīñ

ek lā-samt safar par maiñ ravāñ huuñ ab tak

ḳhud se kahtā huuñ ki maiñ huuñ

pa kahāñ huuñ ab tak

habs-e-bejā kā tasalsul bhī hai tanhā.ī bhī

jaane kyoñ in dinoñ ummīd bhī hai ḳhāk-basar

jaane kyoñ in dinoñ māyūs tamanna kī nazar

yuuñ bhī bil-vāsta hotī hai muḳhātib aksar

ai masā.ib se ulajhte hue tanhā paikar

kaun hai tū ki tire tīra-shabistāñ meñ kabhī

chāñdnī koī pa.e-pursish-e-ġham aa.ī nahīñ

kaun hai tū tire ayyām ke ā.īne meñ

koī ruḳhsār kā ḳhāka koī gesū bhī nahīñ

koī shabnam koī taarā koī jugnū bhī nahīñ

tire hisse meñ ḳhushī kā koī aañsū bhī nahīñ

be-karāñ ālam-e-tanhā.ī kā ehsās-e-shadīd

had se hotā hai ziyāda to mafar kī ḳhātir

ḳhud-kalāmī meñ basar kartā huuñ bojhal lamhe

aur ārāsta hotī hai ḳhayālī mahfil

ḳhud-farebī kā ye andāz hai go vāqif huuñ

ḳhud-farebī to nahīñ ġham kā mudāvā lekin

zindagi tujh se tawaqqo to bahut thi lekin

tere faizan-e-dil-awez ke daman mein magar

mere hisse ki KHushi ka koi aansu bhi nahin

koi shabnam koi tara koi jugnu bhi nahin

koi diwar koi dar koi saya bhi nahin

koi apna bhi nahin koi paraya bhi nahin

ek la-samt safar par main rawan hun ab tak

KHud se kahta hun ki main hun

pa kahan hun ab tak

habs-e-beja ka tasalsul bhi hai tanhai bhi

jaane kyon in dinon ummid bhi hai KHak-basar

jaane kyon in dinon mayus tamanna ki nazar

yun bhi bil-wasta hoti hai muKHatib aksar

ai masaib se ulajhte hue tanha paikar

kaun hai tu ki tere tira-shabistan mein kabhi

chandni koi pae-pursish-e-gham aai nahin

kaun hai tu tere ayyam ke aaine mein

koi ruKHsar ka KHaka koi gesu bhi nahin

koi shabnam koi tara koi jugnu bhi nahin

tere hisse mein KHushi ka koi aansu bhi nahin

be-karan aalam-e-tanhai ka ehsas-e-shadid

had se hota hai ziyaada to mafar ki KHatir

KHud-kalami mein basar karta hun bojhal lamhe

aur aarasta hoti hai KHayali mahfil

KHud-farebi ka ye andaz hai go waqif hun

KHud-farebi to nahin gham ka mudawa lekin