lughat ke be-mani alfaz

mohabbat muravvat ḳhulūs aur ulfat

saḳhāvat karam baḳhshish-o-mehrbānī

vafā pyaar rahm aur īsār-o-shafqat

farā.ez ta.āvun aur īmāñ ke jazbe

jo zīnat luġhat ke abhī tak bane haiñ

vajūd in kā lekin amal meñ

kahāñ hai

sahar ke bhī pur-kaif lamhoñ meñ DhūñDhā

chamaktī huī dopahar meñ bhī parkhā

vo sardī kī ThiThurī huī raat meñ bhī

garajtī barastī sī barsāt meñ bhī

magar bū-e-mafhūm in meñ nahīñ thī

bahut roz se sochtī huuñ

ki in saare masnūī lafzoñ ko ab maiñ

luġhat se khurach duuñ

mohabbat murawwat KHulus aur ulfat

saKHawat karam baKHshish-o-mehrbani

wafa pyar rahm aur isar-o-shafqat

faraez taawun aur iman ke jazbe

jo zinat lughat ke abhi tak bane hain

wajud in ka lekin amal mein

kahan hai

sahar ke bhi pur-kaif lamhon mein DhunDha

chamakti hui dopahar mein bhi parkha

wo sardi ki ThiThuri hui raat mein bhi

garajti barasti si barsat mein bhi

magar bu-e-mafhum in mein nahin thi

bahut roz se sochti hun

ki in sare masnui lafzon ko ab main

lughat se khurach dun