maf kijiye ga KHan sahib

jaane kin rahguzāroñ se

dauḌe chale aate haiñ

lāsheñ bhanbhoḌte, bū sūñghte

baiTh ga.e haiñ log

ki baiThe huoñ ko kāTte nahīñ!

vīrānī ke aqab meñ

rāstoñ aur shāh-rāhoñ ke kohrām

aur jaltī-bujhtī raushniyoñ ke ta.āqub meñ

phaTe hue halaq ke saath

gāḌiyoñ ke saath saath bhāgte haiñ

dīvār par

Taañg uThā chukne ke ba.ad

muaaf kījiyegā

fatah-alī-ḳhāñ sāhib!

aap kā alāp, kānoñ meñ jam gayā hai

murkiyāñ TūTtī haiñ

ham ruḳhsat ho rahe haiñ

jiine ke javāz se dast-bardār

paTāḳhoñ se patlūneñ bachāte

phudakte phirte haiñ

hamārī qaumī mausīqī

kāfūr kī mahak se bhī ḳhālī hai

saḌāñd hai chahār jānib

aur bhūñkne kī āvāzeñ

be-sur, be-tāl

jaan kī amaan pā.ūñ

to sīdhā aap hī kī taraf ā.ūñgā!

jaane kin rahguzaron se

dauDe chale aate hain

lashen bhanbhoDte, bu sunghte

baiTh gae hain log

ki baiThe huon ko kaTte nahin!

virani ke aqab mein

raston aur shah-rahon ke kohram

aur jalti-bujhti raushniyon ke taaqub mein

phaTe hue halaq ke sath

gaDiyon ke sath sath bhagte hain

diwar par

Tang uTha chukne ke baad

muaf kijiyega

fatah-ali-KHan sahib!

aap ka alap, kanon mein jam gaya hai

murkiyan TuTti hain

hum ruKHsat ho rahe hain

jine ke jawaz se dast-bardar

paTaKHon se patlunen bachate

phudakte phirte hain

hamari qaumi mausiqi

kafur ki mahak se bhi KHali hai

saDand hai chahaar jaanib

aur bhunkne ki aawazen

be-sur, be-tal

jaan ki aman paun

to sidha aap hi ki taraf aaunga!