malik-ram

sāhab-e-mulk-e-ilm mālik-rām

mālik-e-mulk-e-hilm mālik-rām

maulid-e-pāk phāliya kī zamīñ

hīr-o-rānjhā kī sar-zamīñ ke qarīñ

shahr-e-gujrāt meñ rahe hai ye muqīm

arz-e-lahore meñ huī ta.alīm

nekī-o-ḳhair-o-ḳhalq meñ faiyyaz

dostī ke bahut baḌe nabbāz

kārvāñ kār-gāh-e-hikmat ke

la.al ik ma.adan-e-mohabbat ke

talabā ke shafīq-o-yāvar haiñ

bahr tahqīq ke shanāvar haiñ

akmal-o-afazal-o-alīm-o-ḳhatīb

akram-o-āzam-o-sharīf-o-nahīf

sāhib-e-ifqra-o-banda-e-durvesh

dostoñ ke baḌe aqīde kesh

un ke maslak meñ be-riyā.ī hai

un kī rindī meñ pārsā.ī hai

nasr meñ un kī nazm kī bū-bās

nazm kī intihā ke ramz-shanās

kis qadar ān-bān hai un kī

be-niyāzāna shaan hai un kī

ab bhī chehre pe hai shabāb kā nuur

sar-basar ilm kī sharāb kā nuur

baat karne meñ phuul jhaḌte haiñ

kabhī laḌte na ye jhagaḌte haiñ

ilm kī justujū pe jaan nisār

bahar-e-tahqīq roz-o-shab bedār

rāh-e-tahqīq pe chale haiñ mudām

chhān Daale irāq-o-misr-o-shām

ġhermany ruus belgium london

har jagah dekhe ilm ke ma.adan

kārvāñ ilm kā hai tez ḳhirām

aur us ke amiir mālik-rām

sāhab-e-ilm-o-sāhab-e-iḳhlāq

dostī meñ ye fard ḳhalq meñ taaq

āshtī aur ilm kā ik ganj

un se pahuñchā nahīñ kisī ko rañj

ramz-dāñ haiñ ye fikr-e-ġhālib ke

haiñ musannif ye zikr-e-ġhālib ke

mohtaram dost arsh-e-farshī ke

haiñ murattab ye nazr-e-arshī ke

haiñ ba-har-rañg ālimoñ ke habīb

nazr-e-zākir unhoñ ne dī tartīb

arabī fārsī ho yā urdu

un kī bātoñ meñ sab kī hai ḳhushbū

un kī tasnīf aurat aur islām

pā.egī dahr meñ baqā-e-davām

ḳhuub likhā talāzimā kā haal

ḳhāndān-e-asad kā husn maqāl

gul-e-ra.anā hai nusḳha-e-artañg

ye bhī bā-kaif hai gul-e-sad-rañg

baratnā bam ki armuġhāñ ba-daham

bas ġhanīmat ki qalb-o-jāñ ba-daham

ilm rā daada az nazar-e-tamkīñ

rahnumā-e-ba-rāh-e-ilm-o-yaqīñ

zehn farḳhanda maġhz tābinda

baad dar shahr-e-ilm pā.inda

ro rāz-e-hirs-o-āz-o-tama-o-havas

nek-ḳhū nek-qalb-o-nek-nafs

sahhr-e-nā-murdamān-o-had-e-āzād

bas hameñ mard-ast ḳhush-atvār

mulk-e-ma.anī kā bādshāh hai ye

shahr-e-inshā kā kaj-kulāh hai ye

ḳhatm hai arsh ab duā pe kalām

ye raheñ bā-murād-o-shād mudām

husn-e-sīrat kī sham.a jaltī rahe

shāḳh-e-ummīd aur phaltī rahe

zindagī ko mile nashāt tamām

pur hamesha rahe surūr kā jaam

nūr-e-ḳhurshīd kī tarah damke

ilm-o-tahqīq kī ziyā chamke

ilm kī raushnī baḌhāte raheñ

ham ko bhī kuchh na kuchh sikhāte raheñ

sahab-e-mulk-e-ilm malik-ram

malik-e-mulk-e-hilm malik-ram

maulid-e-pak phaaliya ki zamin

hir-o-ranjha ki sar-zamin ke qarin

shahr-e-gujraat mein rahe hai ye muqim

arz-e-lahore mein hui talim

neki-o-KHair-o-KHalq mein faiyyaz

dosti ke bahut baDe nabbaz

karwan kar-gah-e-hikmat ke

lal ek madan-e-mohabbat ke

talaba ke shafiq-o-yawar hain

bahr tahqiq ke shanawar hain

akmal-o-afazal-o-alim-o-KHatib

akram-o-azam-o-sharif-o-nahif

sahib-e-ifqra-o-banda-e-durwesh

doston ke baDe aqide kesh

un ke maslak mein be-riyai hai

un ki rindi mein parsai hai

nasr mein un ki nazm ki bu-bas

nazm ki intiha ke ramz-shanas

kis qadar aan-ban hai un ki

be-niyazana shan hai un ki

ab bhi chehre pe hai shabab ka nur

sar-basar ilm ki sharab ka nur

baat karne mein phul jhaDte hain

kabhi laDte na ye jhagaDte hain

ilm ki justuju pe jaan nisar

bahar-e-tahqiq roz-o-shab bedar

rah-e-tahqiq pe chale hain mudam

chhan Dale iraq-o-misr-o-sham

ghermany rus belgium london

har jagah dekhe ilm ke madan

karwan ilm ka hai tez KHiram

aur us ke amir malik-ram

sahab-e-ilm-o-sahab-e-iKHlaq

dosti mein ye fard KHalq mein taq

aashti aur ilm ka ek ganj

un se pahuncha nahin kisi ko ranj

ramz-dan hain ye fikr-e-ghaalib ke

hain musannif ye zikr-e-ghaalib ke

mohtaram dost arsh-e-farshi ke

hain murattab ye nazr-e-arshi ke

hain ba-har-rang aalimon ke habib

nazr-e-zakir unhon ne di tartib

arabi farsi ho ya urdu

un ki baaton mein sab ki hai KHushbu

un ki tasnif aurat aur islam

paegi dahr mein baqa-e-dawam

KHub likha talazima ka haal

KHandan-e-asad ka husn maqal

gul-e-rana hai nusKHa-e-artang

ye bhi ba-kaif hai gul-e-sad-rang

baratna bam ki armughan ba-daham

bas ghanimat ki qalb-o-jaan ba-daham

ilm ra dada az nazar-e-tamkin

rahnuma-e-ba-rah-e-ilm-o-yaqin

zehn farKHanda maghz tabinda

baad dar shahr-e-ilm painda

ro raaz-e-hirs-o-az-o-tama-o-hawas

nek-KHu nek-qalb-o-nek-nafs

sahhr-e-na-murdaman-o-had-e-azad

bas hamein mard-ast KHush-atwar

mulk-e-mani ka baadshah hai ye

shahr-e-insha ka kaj-kulah hai ye

KHatm hai arsh ab dua pe kalam

ye rahen ba-murad-o-shad mudam

husn-e-sirat ki shama jalti rahe

shaKH-e-ummid aur phalti rahe

zindagi ko mile nashat tamam

pur hamesha rahe surur ka jam

nur-e-KHurshid ki tarah damke

ilm-o-tahqiq ki ziya chamke

ilm ki raushni baDhate rahen

hum ko bhi kuchh na kuchh sikhate rahen